សមត្ថកិច្ចមូលដ្ឋានបានឲ្យដឹងថា ជនរងគ្រោះដែលលោតសម្លាប់ខ្លួននេះឈ្មោះ ម៉ុច សុធារៈភេទប្រុស អាយុ២០ឆ្នាំ មុខរបរដើររាំតាមភោជនីយដ្ឋានចល័តស្នាក់នៅផ្ទះលេខ៦២E3 ក្បែរកន្លែងកើតហេតុ។ ប្រភពព័ត៌មានពីក្រុមគ្រួសារជនរងគ្រោះបានបំភ្លឺឲ្យដឹងថា នៅមុនពេលកើតហេតុខណៈពេលជនរងគ្រោះត្រឡប់មកពីរាំវិញមានសភាពស្រវឹងផងនោះ បានរករឿងនិងឡូឡាឈ្លោះគេឯងពេញផ្ទះបន្ទាប់មកស្រាប់តែជនរងគ្រោះរូបនោះចេញទៅបាត់មួយសន្ទុះស្រាប់តែអ្នករស់នៅជាន់ក្រោមបាននាំគ្នាភ្ញាក់ផ្អើលថាមានអ្នកលោតសម្លាប់ខ្លួនពេលនោះក្រុមគ្រួសារមកមើលឃើញជាកូនរបស់ខ្លួនក៏ប្រញាប់ដឹកបញ្ជូនមកកាន់មន្ទីរពេទ្យកាល់ម៉ែត ដើម្បីសង្គ្រោះអាយុជីវិតពេលដែលមកដល់មន្ទីរពេទ្យត្រូវបានក្រុមគ្រូពេទ្យបញ្ជាក់ប្រាប់ថា ជនរងគ្រោះដាច់ខ្យល់ស្លាប់បាត់ទៅហើយទើបបន្តទៅធ្វើបុណ្យតាមប្រពៃណីនៅវត្តទួលសង្កែ។
ប្រភពព័ត៌មានពីក្រុមគ្រួសារបញ្ជាក់ថា ជនរងគ្រោះជាមនុស្សមានសតិមិនស្របពេលស្រវឹងម្តងៗតែងតែរករឿងពេញផ្ទុះនិងចង់តែធ្វើអត្តឃាតខ្លួនរាល់លើក ហើយនៅថ្ងៃកើតហេតុនេះជនរងគ្រោះក៏ធ្វើអត្តឃាតខ្លួនបានសម្រេចតែម្តង៕
រស្មី
0 Comments