កីឡាករ Frank Lampard នឹងបន្តនៅលេងជាមួយក្លឹប Man Cityរហូតដល់ដំណាច់រដូវកាលនេះ គឺបន្ទាប់ពីក្លឹបយល់ព្រមកិច្ចព្រមព្រៀងជាមួយក្លឹប New York City។
សេចក្តីថ្លែងការណ៍មួយរបស់ក្លឹប Man Cityបានឲ្យដឹងថា ក្លឹបអាចអះអាងបញ្ជាក់បានថា ពួកគេបន្តកិច្ចព្រមព្រៀងរបស់កីឡាករ Lampardរហូតដល់ដំណាច់រដូវកាលរបស់ក្លឹប Man City ដើម្បីជំរុញការចូលលេងរបស់គាត់ទាំងនៅការប្រកួតក្នុងស្រុក និងការប្រកួតអឺរ៉ុប។
សូមបញ្ជាក់ថា អតីតកីឡាកររបស់ក្រុមជម្រើសជាតិអង់គ្លេសម្នាក់នេះ បានចូលលេងឲ្យក្លឹប Man Cityនៅលើកិច្ចព្រមព្រៀងរយៈពេលខ្លីមួយក្រោយពីផ្ទេរចេញពីក្លឹបតោខៀវ Chelseaទៅកាន់ក្លឹប New York Cityកាលពីដើមរដូវកាលនេះ ដែលបានដល់ទីបញ្ចប់នៅថ្ងៃទី១ខែមករាមុននេះ។
ប៉ុន្តែពេលនេះ ក្លឹបទាំងពីរបានឈានដល់កិច្ចព្រមព្រៀងមួយមួយ ដែលអាចឲ្យកីឡាករខ្សែបម្រើម្នាក់នេះ លេងរហូតដល់ដំណាច់រដូវកាលបាល់ទាត់អង់គ្លេស។
ទោះបីជាយ៉ាងណាក៏ដោយ គេយល់ឃើញថាវានឹងក្លាយជាផលប៉ះពាល់ធំមួយផងដែរសម្រាប់ក្លឹបបាល់ទាត់អាមេរិក New York Cityនៅការប្រកួតបាល់ទាត់ក្នុងស្រុករបស់ពួកគេ។
ដោយឡែក ក្លឹប New York Cityបានឲ្យដឹងនៅក្នុងសេចក្ដីថ្លែងការណ៍មួយថា កាលបរិច្ឆេទចាប់ផ្តើមការប្រកួតរបស់កីឡាករ Frank Lampardជាមួយក្លឹប New York Cityនឹងត្រូវប្រកាសឲ្យដឹងនៅពេលក្រោយ ហើយភាគីពាក់ព័ន្ធទាំងអស់នៅតែបន្តជជែកគ្នាដើម្បីស្វែងរកប្រយោជន៍រួមទាំងអស់គ្នា៕
0 Comments