ប៉េកាំង៖ ការប្រើប្រាស់សេវាកម្មអ៊ីមែលរបស់ ក្រុមហ៊ុន Google Inc. នៅក្នុងប្រទេសចិន ត្រូវបានបិទចំពេលដែលរដ្ឋាភិបាលខិតខំប្រឹង ប្រែងដើម្បីកំណត់ ឬហាមឃាត់ការប្រើប្រាស់សេវាកម្មរបស់ក្រុមហ៊ុនអាមេរិក ដែលកំពុងពេញនិយមពីអ្នកប្រើប្រាស់ក្នុងប្រទេសចិនដើម្បីគេចចេញពីការត្រួតពិនិត្យរបស់អាជ្ញាធរចិន។
តាមរយៈទិន្នន័យរបស់ Google បានបង្ហាញថា ចរាចរណ៍ពីប្រទេសចិនមកកាន់ Gmail បានធ្លាក់ចុះកាលពីថ្ងៃសុក្រ ហើយបានធ្លាក់ចុះរហូតជិតដល់សូន្យនៅថ្ងៃសៅរ៍កន្លងទៅនេះ បើទោះជាមានបន្តិចបន្តួចវិញកាលពីថ្ងៃច័ន្ទក៏ដោយ។
អ្នករាយការណ៍របស់ក្រុមហ៊ុន Google ប្រចាំនៅអាស៊ី Taj Meadown បានឲ្យដឹងថា ក្រុមហ៊ុនបានឆែកមើលសេវាអ៊ីមែលរបស់ខ្លួន ហើយវាពុំមានកំហុសឆ្គងផ្នែកបចេ្ចកទេសណាមួយនៅខាងក្រុមហ៊ុន Google នោះទេ។
នៅក្នុងបទវិចារណកថារបស់កាសែត Global Times ដែលគ្រប់គ្រងដោយបក្ខកម្មុយ នីស្ដចិនបានលើកឡើងពីភាពដែលអាចធ្វើបាន ដោយពុំបានអះអាងថា រដ្ឋាភិបាលបានកាត់ផ្តាច់ការប្រើប្រាស់សេវាអ៊ីមែល Gmail។
អគ្គនាយករងខាងផ្នែកវិភាគទិន្នន័យប្រចាំនៅសហរដ្ឋអាមេរិករបស់ក្រុមហ៊ុនស្រាវជ្រាវវិភាគប្រព័ន្ធអ៊ីនធឺណិត Dyn លោក Earl Zmijewsky បាននិយាយថា ការសាកល្បងរបស់គាត់បង្ហាញថា រដ្ឋាភិបាលប្រទេសចិនបានបិទលេខអ៊ីនធឺណិត (IP address) របស់Google នៅប្រទេសហុងកុងដែលប្រើប្រាស់ដោយប្រជាជននៅចិនដីគោក ដើម្បីប្រើប្រាស់សេវា Gmail។
ពុំមានការឆ្លើយតបតាមរយៈទូរស័ព្ទកាលពីថ្ងៃច័ន្ទនោះទេ ពីនិយតកររបស់រដ្ឋាភិបាល។ អ្នកនាំពាក្យរបស់ក្រសួងការបរទេស លោកស្រី Hua Chunying បានឲ្យដឹងថា លោកស្រីមិនបានដឹងអំពីការបិទមិនឲ្យប្រើនេះទេ។
Jeff Rathke អ្នកនាំពាក្យរបស់សហរដ្ឋអាមេរិកបាននិយាយក្នុងសេចក្តីប្រកាសថា ការអភិវឌ្ឍបានកំពុងមានបញ្ហា។
លោកបានបន្តទៀតថា៖ "យើងបន្តការព្រួយបារម្ភដោយការប៉ុនប៉ងរបស់ប្រទេសចិន ដើម្បីរំលាយចោលនូវសេរីភាពក្នុងការបញ្ចេញមតិ ដោយរួមបញ្ចូលក្នុងប្រព័ន្ធអ៊ីនធឺណិត ហើយយើងជឿជាក់ថា ការរិះគន់របស់អាជ្ញាធរចិននៅលើប្រព័ន្ធផ្សព្វផ្សាយ និង គេហទំព័រមួយចំនួន គឺវាមិនស័ក្ដិសមទៅនឹងសេចក្តីប្រាថ្នារបស់ប្រទេសចិនក្នុងការកសាងសេដ្ឋកិច្ច និងសង្គមស៊ីវិល័យមួយ ដោយឈរនៅលើវិស័យព័ត៌មានវិទ្យានោះទេ"។
ក្រុមហ៊ុន Google បានបិទប្រព័ន្ធស្វែងរក (search engine) ក្នុងប្រទេសចិនដីគោកកាលពីឆ្នាំ២០០៩ ដោយនិយាយថា វានឹងមិនអាចសហប្រតិបតិ្តបារជាមួយនឹងការរិះគន់របស់ប្រទេសនេះបាន ក្រោយការលុកលុយ ទៅប្រទេសចិន ដោយមានគោលបំណងលួចលេខកូដប្រតិបត្ដិការរបស់ក្រុមហ៊ុន និងការបំបែកចូលទៅក្នុងគណនីអ៊ីមែល។
ចាប់តាំងពីពេលនោះមក សេវារបស់ Google ត្រូវបានកំណត់ និងបិទយ៉ាងទៀងទាត់ ក្នុងគោលបំណងដាក់សម្ពាធដល់អ្នកប្រើប្រាស់ក្នុងប្រទេសចិន ឲ្យបោះបង់ចោលសេវារបស់ Google ហើយងាកមកប្រើប្រាស់សេវាកម្មក្នុងស្រុកវិញ ដែលក្រុមហ៊ុនក្នុងស្រុកទាំងនោះប្ដេជ្ញាសហការល្អជាមួយរដ្ឋាភិបាល។
បទវិចារណកថារបស់កាសែត Global Times បានចង្អុលមកក្រុមហ៊ុន Google ហើយនិយាយថា "ប្រទេសចិនស្វាគមន៍ក្រុមហ៊ុនមកធ្វើអាជីវកម្មដោយមានលក្ខណៈថា ខ្លួនត្រូវតែគោរពតាមច្បាប់របស់ប្រទេសចិន។ យ៉ាងណាមិញ ក្រុមហ៊ុន Google ឱ្យតម្លៃចំពោះការស្ទាក់ស្ទើររបស់ខ្លួនច្រើនជាង នឹងត្រូវបានដាក់កម្រិតដោយច្បាប់របស់ប្រទេសចិន ដែលជាលទ្ធផលនៃជម្លោះ»។
សេវាកម្មរបស់ Google មានការចាប់អារម្មណ៍ ខ្លាំងពីយុវជនក្នុងប្រទេសចិន និងសកម្មជនដែលមិនចង់ឱ្យទំនាក់ទំនងអ៊ីម៉ែលរបស់ពួកគេ ត្រូវបានតាមដាន ឬការស្ទាក់ចាប់បានដោយរដ្ឋាភិបាលចិន។
តាមរយៈគេហទំព័រ Greatfire.org ការប្រើប្រាស់សេវាកម្ម Gmail តាមរយៈគេហទំព័រ ត្រូវបានបិទចាប់តាំងពីខែមិថុនាមកម៉្លេះក្នុងប្រទេសចិន ប៉ុន្តែអ្នកប្រើប្រាស់មួយចំនួននៅអាចប្រើប្រាស់បានដោយកម្មវិធីក្នុងទូរស័ព្ទដៃ ឬតាមរយៈកម្មវិធីដទៃទៀតដូចជា Microsoft Outlook និង Apple Mail រហូតដល់បិទចុងក្រោយនេះ។
វាមិនទាន់ច្បាស់ថា អ្វីដែលជំរុញឱ្យមានការហាមឃាត់បែបនេះ ពេញលេញក្នុងពេលនេះទេ៕
0 Comments