ឥណ្ឌូនេស៊ី​រក​ឃើញ​សាកសព​៧​នាក់​ទៀត នៅ​ជិត​កន្លែង​ធ្លាក់​យន្តហោះ​ Air Asia

ពួក​អ្នក​មុជទឹក​ឥណ្ឌូនេស៊ី​បាន​រក​ឃើញ​ជនរងគ្រោះ​ពី​ការ​ធ្លាក់​យន្តហោះ ​Air Asia៧​នាក់​ទៀត ដោយ​សរុប​ចំនួន​សាកសព​ទៅដល់​៨៤​នាក់ ហើយ​ចាប់តាំងពី​កើត​ឧប្បត្តិហេតុ​នៅ​ចុងខែ​ធ្នូ​មក​នោះ។ Air Asia​ បាន​និយាយ​នៅក្នុង​សេចក្ដីថ្លែងការណ៍​មួយ​ថា សាកសព​ពីរ​នាក់​ត្រូវ​បាន​គេ​ប្រទះ​ឃើញ​នៅ​ខាងក្នុង​តួ​យន្តហោះ​នៅ​ថ្ងៃ​ច័ន្ទ ដោយឡែក​៤​នាក់​ទៀត​ស្ថិតនៅ​ជិត​ខ្មោច​យន្តហោះ​នៅ​បាតសមុទ្រ​ចា​វ៉ា។​

ពួក​អ្នក​មុជ​ទឹកបាន​សម្រាក​រយៈពេល​ពីរ​ថ្ងៃ ក្រោយពី​រុករក​នៅក្នុង​សមុទ្រ​ជាច្រើន​សប្ដាហ៍​នៅ​ក្នុង​ធាតុអាកាស​មិន​អំណោយផល​នោះ​មក៕​

រឹទ្ធ​