ស្ត្រីអ្នកនាំពាក្យរបស់ក្រុមហ៊ុនអណ្ដូងរ៉ែ ឈ្មោះ Harmony Gold និយាយថា ពួកកម្មករអណ្ដូងរ៉ែជិត៥០០នាក់ ដែលបានជាប់នៅក្រោមដីដោយសារអគ្គិភ័យឆេះនៅក្នុងអណ្ដូងរ៉ែមាសមួយកន្លែងនៅក្នុងប្រទេសអាហ្វ្រិកខាងត្បូងនៅថ្ងៃអាទិត្យនោះ ត្រូវបានគេនាំទៅកាន់ទីកន្លែងមានសុវត្ថិភាពហើយ។
អគ្គិភ័យឆេះអណ្ដូងរ៉ែនោះនៅជិតកាឡេតុនវីស ប្រហែលមួយម៉ោងពីក្រុងចូហាណេស្ប៉ក នោះ ត្រូវបានគេដឹងហេតុការណ៍ប្រហែលម៉ោង០៧និង៤០នាទីម៉ោងសកល ជម្រៅប្រហែលជិតពីរគីឡូម៉ែត្រនៅក្រោមដី។
លោកស្រី ចាម៉ានីរ៉ូសសេល (Charmane Russell) បាននិយាយប្រាប់AFPថា "ពួកកម្មករអណ្ដូងរ៉ែទាំងអស់បានចេញមកខាងក្រៅ។
ក្រុមហ៊ុនHarmony Gold និយាយថា ពួកកម្មករអណ្ដូងរ៉ែ៤៨៦នាក់ កំពុងធ្វើការនៅក្នុងអណ្ដូងរ៉េ គូសាសា ឡេធូ នៅពេលនោះអគ្គិភ័យក៏បានកើតឡើង។
លោកស្រីរ៉ូសសេលនិយាយថា "ពួកកម្មករទាំងអស់ត្រូវបានជូនដំណឹងនិងប្រាប់ឲ្យរត់ទៅរកទីកន្លែងសុវត្ថិភាព។
ប្រធានាធិបតីអាហ្វ្រិកខាងត្បូងលោកចាកូបហ្សូម៉ា(Jacob Zuma)បានសម្ដែងការក្តុកក្តួលចំពោះឧប្បត្តិហេតុនោះ ដោយបានជូនពរឲ្យពួកកម្មករអណ្ដូងរ៉ែ និងក្រុមគ្រួសាររបស់គេមានកម្លាំងមាំមួន៕
រឹទ្ធ
0 Comments