បន្ទាយមានជ័យ ៖ ដោយសារតែលោក ពិន សេងហាប់ អភិបាលរងស្រុកស្វាយចេកកាន់កាប់ជាអភិបាលរងស្រុកស្វាយចេកនេះ ដែលមានរយៈពេលជាង១០ឆ្នាំកន្លងមកនេះ លោកមានស្នាដៃល្អៗក្នុងការបំពេញភារកិច្ចជូនប្រជាពលរដ្ឋដោយមិនខ្លាចពីការនឿយហត់នោះ ទើបរាជរដ្ឋាភិបាលតែងតាំងលោកឲ្យមកកាន់ជាអភិបាលរងស្រុកមង្គលបូរីវិញ ដើម្បីឲ្យស្រុកមួយនេះឲ្យកាន់តែជឿនលឿនលឿនទៅមុខ។ ការផ្លាស់ប្ដូរមន្ត្រីអភិបាលរងស្រុកស្វាយចេកឲ្យមកកាន់អភិបាលរងស្រុកមង្គលបូរីនេះមានការចូលរួមដោយលោកអ៊ី ឡុង ក្រុមប្រឹក្សាខេត្តបន្ទាយមានជ័យ លោក អ៊ុំ រាត្រី អភិបាលរងខេត្តបន្ទាយមានជ័យ។ ពិធីនេះធ្វើឡើងកាលវេលាម៉ោង២រសៀល ថ្ងៃទី២៤ ខែកុម្ភៈ ឆ្នាំ២០១៥ នៅសាលប្រជុំសាលាស្រុកមង្គលបូរី ខេត្តបន្ទាយមានជ័យ។ លោក ឡុង ពុនអភិបាលស្រុកមង្គលបូរីបានឡើងអានរបាយការណ៍សង្ខេបស្តីអំពីការីកចម្រើនរបស់ស្រុកមង្គលបូរីនោះថា ស្រុកមង្គលបូរីគឺជាស្រុកមួយប្រជាពលរដ្ឋភាគច្រើនប្រកបរបរធ្វើស្រែប្រាំង និងស្រែវស្សា ហើយមួយភាគទៀតធ្វើចំការស្រុកមង្គលបូរីមានការប្រឡងប្រណាំងធ្វើស្រែ និងចំការនោះបានជាប់លេខ១ក្នុងចំណោមស្រុកទាំង៧ និងក្រុង២នោះ។ លោក ណង វុទ្ធី នាយកការិយាល័យធនធានមនុស្សបានឡើងអានប្រកាសលេខ០ ៦ ៩ ប្រ ក ស្ដីពីការតែងតាំងនិងផ្ទេរភារកិច្ចជូនដល់លោក ពិន សេងហាប់ អតីតជាអភិបាលរងស្រុកស្វាយចេកឲ្យមកកាន់កាប់ជាអភិបាលរងស្រុកមង្គលបូរីវិញ ចាប់ពីថ្ងៃប្រកាសនេះតទៅ។ លោក ពិន សេងហាប់ អភិបាលរងស្រុកស្វាយចេកផ្លាស់ប្ដូរឲ្យមកកាន់ជាអភិបាលរងស្រុកមង្គលបានឡើងធ្វើការប្ដេជ្ញាចិត្តថា ខិតខំប្រឹងប្រែងទំនាក់ទំនងការងារជាមួយមន្ត្រីអង្គភាពគ្រប់ជាន់ថ្នាក់ឲ្យបានល្អប្រសើរតាមគោលនយោបាយឈ្នះឈ្នះ ទទួលខុសត្រូវចំពោះក្រុមប្រឹក្សារបស់ខ្លួននិងខិតខំពង្រឹងសាមគ្គីភាពផ្ទៃក្នុងនៃរដ្ឋបាលស្រុកមង្គលបូរីឲ្យបានល្អ និងខិតខំដោះស្រាយរាល់បញ្ហាប្រឈមជូនប្រជាពលរដ្ឋក្នុងស្រុកមង្គលបូរីឲ្យកាន់តែល្អទ្វេដងទៀត។ លោក អ៊ុំ រាត្រីអភិបាលរងខេត្តបន្ទាយមានជ័យមានប្រសាសន៍ថា មិនមែនការប្រកាសតែងតាំងអភិបាលរងស្រុកនេះទេគឺគ្រាន់តែការផ្លាស់ប្ដូរពីកន្លែងធ្វើការងារអភិបាលរងស្រុកស្វាយចេកមកកាន់ជាអភិបាលរងស្រុកមង្គលបូរីតែប៉ុណ្ណោះ ព្រោះកាលមុនអភិបាលស្រុកមង្គលបូរីនៅទំនេរប៉ុណ្ណោះ។ លោកបានបន្តថាមន្ត្រីមានបទពិសោធន៍ក្នុងការងាររដ្ឋបាល ទើបថ្នាក់ខេត្តយកដាក់ជួយការងារតាមមូលដ្ឋានឃុំ ព្រោះនៅស្រុកមង្គលបូរីនេះទឹកដីធំធេងណាស់ ការគ្រប់គ្រងប្រជាពលរដ្ឋឲ្យបានរឹងមាំបញ្ហាសៀវភៅថ្នាក់នៅអត្តសញ្ញាណប័ណ្ណជូនពលរដ្ឋ៕
គង្គា
0 Comments