ក្រសួងយុត្តិធម៌សហរដ្ឋអាមេរិកនិយាយថា បុរសពីរនាក់ ត្រូវបានគេកាត់ឲ្យជាប់ទោស ពីបទស្វះស្វែងចូលរួមជាមួយក្រុមអាល់កៃដា និងការបង្វឹក ដើម្បីធ្វើការវាយប្រហារទៅលើអាមេរិក នៅក្នុងប្រទេសអាហ្វហ្គានីស្ថាននោះ ត្រូវបានគេកាត់ទោសនៅថ្ងៃច័ន្ទឲ្យជាប់គុក២៥ឆ្នាំ។
ចៅក្រមសង្កាត់សហរដ្ឋអាមេរិក លោកវើជីនោ ហ្វីលីព (Virginia Phillis) បានកាត់ទោសលោក សូហ៊ីអេស អូម៉ាកាបៀរ(Sohiel Omar kabir) អាយុ៣៧ឆ្នាំ និងលោករ៉ាហ្វដេឡេអន(Ralph Releon) អាយុ២៦ឆ្នាំ ដែលពួកសុភាចារបុរសនិយាយថា ត្រូវបានគេបង្វឹកឲ្យហាត់បាញ់កាំភ្លើង នៅកាលីហ្វ័រនីញ្ញ៉ាភាគខាងត្បូង ដើម្បីបំពេញបេសកកម្មរបស់គេ។
អ្នកទាំងពីរនាក់នោះត្រូវបានគេរកឃើញកំហុសនៅក្នុងតុលាការ សហព័ន្ធ នៅក្នុងខែកញ្ញា ពីបទឃុបឃិតសមគំនិតផ្តល់ការគាំទ្រសម្ភារៈដល់ពួកភេរវកម្ម និងសមគំនិតសម្លាប់យោធាសហរដ្ឋអាមេរិក និងបុគ្គលិករដ្ឋាភិបាល។
លោកដេឡេអនក៏ត្រូវបានគេកាត់ឲ្យជាប់ទោសផងដែរ ពិបទសមគំនិតសម្លាប់ ចាប់ពង្រត់ឬធ្វើឲ្យរបួស នៅបរទេស។
ពួកសុភាចារបុរសនិយាយថា ភស្តតាងបង្ហាញឲ្យឃើញថា លោកការបៀរ បានណែនាំលោកដេឡេអន និងទណ្ឌិតម្នាក់ទៀត លោកមីហ្កេលអាឡេចានដ្រូ សាន់តាណាវីឌ្រីយ៉ាឡេស (Vidraviale)ឲ្យស្គាល់ទ្រឹស្ដីឥស្លាមនិយម នៅក្នុងឆ្នាំ២០១០ ហើយក្រោយមកបានធ្វើដំណើរទៅកាន់ប្រទេសអាហ្វហ្គានីស្ថាន ក្នុងឆ្នាំ២០១២ ដោយបានលើកទឹកចិត្តពួកគេឲ្យដើរតាមលោក នៅទីនោះ ដើម្បីចូលរួមជាមួយក្រុមអាល់កៃដា៕
0 Comments