ភ្នំពេញ ៖ កាលពីចុងសប្ដាហ៍កន្លងមកនេះ ក្រុមការងារ លោក ហ៊ុន ម៉ាណែត បាននាំយកនូវ ម៉ាស៊ីនបូមទឹក០១គ្រឿង ស៊ីវ៉ិចទ័រ០១គ្រឿង បន្ទះសូឡា០១ផ្ទាំង និងប្រេង៥០០លីត្រ ដែលជាអំណោយដ៏ថ្លៃថ្លារបស់សម្ដេចតេជោ និងសម្ដេចកិត្តិព្រឹទ្ធបណ្ឌិត តាមរយៈលោក ហ៊ុន ម៉ាណែត ប្រគល់ជូនកងអនុសេនាតូច ចំណុះកងអនុសេនាធំលេខ៣ និងវរៈសេនាតូចការពារព្រំដែនលេខ៣០៣ នៃតំបន់ប្រតិបត្តិការសឹករងខេត្តកោះកុង។
លោកវរសេនីយ៍ត្រី ស៊ុន ម៉ាណាក់ មេបញ្ជាការវរៈសេនាតូចការពារព្រំដែនលេខ៣០៣ នៃតំបន់ប្រតិបត្តិការសឹករងខេត្តកោះកុង ជំនួសមុខឱ្យនាយទាហាន នាយទាហានរង និងពលទាហានទាំងអស់ បានគោរពថ្លែងអំណរគុណយ៉ាងជ្រាលជ្រៅចំពោះលោក ហ៊ុន ម៉ាណែត ជាពិសេស សម្ដេចតេជោ និងសម្ដេចកិត្តិព្រឹទ្ធបណ្ឌិត ដែលបានបានគិតគូរពីសុខទុក្ខ និងយកចិត្តទុកដាក់ ចំពោះជីវភាពរស់នៅកងទ័ព តាមរយៈការតំឡើងប្រាក់បៀវត្ស ប្រាក់របបផ្សេងៗ និងសាងសង់សំណង់អាគារនៅតាមបណ្ដាអង្គភាពនានា សំដៅលើកកំពស់ជីវភាពរស់នៅរបស់កងទ័ពនិងគ្រួសារកងទ័ព។ ជាក់ស្តែងការសាងសង់អាគារ០២ខ្នងធ្វើពីឈើ ការផ្តល់អាវរងា ព្រមទាំងអំណោយផ្សេងៗនាពេលកន្លងមក និងការផ្តល់នូវសម្ភារៈទាំងនេះដល់អង្គភាពនាពេលនេះ ដើម្បីសម្រួលឱ្យការស្នាក់នៅរបស់កងទ័ពនៅកងអនុសេនាតូច ចំណុះកងអនុសេនាធំលេខ៣ និងវរៈសេនាតូចការពារព្រំដែនលេខ៣០៣ នៃតំបន់ប្រតិបត្តិការសឹករង ខេត្តកោះកុង ដែលឈជើងនៅនៅតំបន់ព្រំដែន។
ជាមួយនឹងការថ្លែងអំណរគុណ ក៏ដូចជាដើម្បីឆ្លើយតបទៅនឹងគុណបំណាច់ដ៏ធំធេងបំផុតរបស់ប្រមុខរាជរដ្ឋាភិបាល ជាពិសេសក្នុងបុព្វហេតុការពារជាតិ បូរណភាពទឹកដី និងការពារភាពសុខសាន្តរបស់ប្រជាពលរដ្ឋនៅទូទាំងប្រទេស ក្នុងនាមនាយទាហាន នាយទាហានរង និងពលទាហានទាំងអស់នៃអង្គភាពកងអនុសេនាតូច ចំណុះកងអនុសេនាធំលេខ៣ និងវរៈសេនាតូចការពារព្រំដែនលេខ៣០៣ នៃតំបន់ប្រតិបត្តិការសឹករងខេត្តកោះកុងប្ដេជ្ញាប្រកាន់ជំហរដាច់ខាតគោរព និងអនុវត្តតាមគោលនយោបាយយុទ្ធសាស្ត្ររបស់រាជរដ្ឋាភិបាល និងប្ដេជ្ញាត្រៀមខ្លួនជានិច្ចក្នុងបុព្វហេតុការពារជាតិមាតុភូមិដ៏បវរនៃយើង៕
សុជាតា
0 Comments