កណ្ដាល ៖ បុរសវ័យជាង៤០ឆ្នាំម្នាក់ដើរបាត់ពីផ្ទះចំនួន៣ថ្ងៃ ត្រូវបានប្រជាពលរដ្ឋប្រទះឃើញលង់ទឹកស្រះស្លាប់ក្បែរភូមិដែលមានសភាពហើមស្អុយ។ ហេតុការណ៍ប្រទះឃើញសពមានការភ្ញាក់ផ្អើលនៅវេលាម៉ោង១១និង៣០នាទី ថ្ងៃទី២១ ខែកុម្ភៈ ឆ្នាំ២០១៥ នៅក្នុងស្រះទឹកខាងក្រោយភូមិរាយដប ឃុំសៀមរាប ស្រុកកណ្ដាលស្ទឹង ខេត្តកណ្តាល។
ជនរងគ្រោះមានឈ្មោះ អិ ថុល ភេទប្រុស អាយុ៤៦ឆ្នាំ មានប្រពន្ធឈ្មោះ ផូ ផល្លី អាយុ៤៧ឆ្នាំ អ្នកទាំងអស់គ្នាមានទីលំនៅភូមិ/ឃុំ កើតហេតុខាងលើ។ បើតាមស្ត្រីជាប្រពន្ធបានប្រាប់ឲ្យដឹងថា ប្ដីរបស់គាត់មានជំងឺប្រចាំកាយ ហើយមានសតិមិនសូវល្អ បានដើរបាត់ពីផ្ទះតាំងពីថ្ងៃទី១៩ ខែកុម្ភៈ មកម្ល៉េះ រូបគាត់ជាមួយញាតិជិតខាងបាននាំគ្នាដើររកគ្រប់ច្រកល្ហកតែមិនឃើញ លុះដល់វេលាម៉ោងជាង១១ថ្ងៃទី២១ ខែកុម្ភៈ ឆ្នាំ២០១៥ ក៏បានប្រទះឃើញលង់ទឹកស្រះនៅខាងក្រោយភូមិស្លាប់បាត់តែម្តង។ បន្ទាប់ពីប្រទះឃើញសព សមត្ថកិច្ចជំនាញបានចុះមកត្រួតពិនិត្យធ្វើកោសល្យវិច័យ ក្រែងលោមានពាក់ព័ន្ធនឹងករណីឃាតកម្មអ្វីមួយ ប៉ុន្តែការពិនិត្យយ៉ាងម៉ត់ចត់ គឺមិនឃើញមានស្នាមរបួសពាក់ព័ន្ធ និងករណីឃាតកម្មអ្វីឡើយ។ ក្រោយពីធ្វើការពិនិត្យចប់ សមត្ថកិច្ចបានប្រគល់សពទៅឲ្យក្រុមគ្រួសារធ្វើបុណ្យតាមប្រពៃណី៕ ភាវុន
0 Comments