លោក កេង ប៊ុនណា អភិបាលស្រុកត្បូងឃ្មុំ បានមានប្រសាសន៍បញ្ជាក់ថា លោកធ្វើការដោះស្រាយដោយប្រើរូបមន្ត គោលនយោបាយ ឈ្នះ ឈ្នះ ជូនដល់ភាគីទាំងសងខាងជាលទ្ធផល លោកអភិបាល ស្នើសូមឲ្យបងប្អូនប្រជាពលរដ្ឋ ដើរលើផ្លូវដែលមានចម្ងាយពីឃ្លាំងស្តុកទំនិញរបស់តាលី ៥០ម៉ែត្រ គឺយើងមានផ្លូវ១ខ្សែនេះហើយ ដែលតភ្ជាប់ពីផ្លូវប្រឡាយ មកផ្លូវជាតិលេខ៧ ទុកឲ្យបងប្អូនប្រើប្រាស់ជាបណ្ដោះអាសន្ន រង់ចាំស្រុកដោះស្រាយ។
លោក តាលី ជាម្ចាស់ឃ្លាំងបានបញ្ជាក់ឲ្យដឹងថា ដីរបស់គាត់នេះ គាត់ធ្លាប់អាស្រ័យផលធ្វើស្រែជាយូរឆ្នាំមកហើយ រហូតមកដល់ពេលបច្ចុប្បន្ន គាត់បានចាក់ដីធ្វើឃ្លាំង មានរយៈពេល២ឆ្នាំហើយដែរ ។ តែគ្មានឃើញបងប្អូនប្រជាពលរដ្ឋណាម្នាក់មកតវ៉ាសោះ លុះដល់មានការចាក់ដីលុបប្រឡាយធ្វើថ្នល់ថ្មីៗ របស់លោក ជា ហេង ទើបផ្ទុះការតវ៉ារបស់ប្រជាពលរដ្ឋតែម្តង។
លោក តា បានបញ្ជាក់ទៀតថា គាត់ធ្វើរបង គឺសម្រាប់ការពារលំនៅដ្ឋានរបស់គាត់មិនមែនបិទផ្លូវមិនឲ្យប្រជាពលរដ្ឋដើរនោះទេ ពិសេសទៀត គឺមានផ្លូវ១ខ្សែខាងកើតឃ្លាំងគាត់ទុកសម្រាប់ឲ្យប្រជាពលរដ្ឋដើរដែរ។ ពិនិត្យមើលផ្លូវខាងកើតដីលោក ជា ហេង មានផ្លូវរទេះ១ខ្សែ តភ្ជាប់ពីផ្លូវប្រឡាយទៅផ្លូវជាតិលេខ៧ ត្រូវផ្ទះប្រជាពលរដ្ឋជាប់ផ្លូវជាតិលេខ៧ ជាច្រើនខ្នងផ្ទះ បានរំកិលរំលោភវាទយកធ្វើជាកម្មសិទ្ធិអស់ហើយ ម្តេចក៏គ្មានការតវ៉ា បើនាំគ្នាតវ៉ារឿងរបងឃ្លាំងរបស់ខ្ញុំ ត្រូវនាំគ្នាតវ៉ាផ្លូវរទេះមានការរំលោភនោះផងដែរទើបត្រូវ។
ក្រុមប្រជាពលរដ្ឋបានអះអាងដែរថា គាត់ចង់រក្សាផ្លូវប្រឡាយដដែល គឺផ្លូវត្រង់តភ្ជាប់ មកពីផ្លូវជាតិលេខ៧៣ ភ្ជាប់មកផ្លូវជាតិលេខ៧តែម្តង ៕
អាជ្ញាធរស្រុក ចុះធ្វើការសម្របសម្រួល បញ្ហាវិវាទផ្លូវប្រឡាយ ជូនប្រជាពលរដ្ឋភូមិព្រះធាតុ
0 Comments