Ad Code

លី ច័ន្ទ​សីហា អ្នក​នៅ​ជប៉ុន​ពេញចិត្ត​

ភ្នំពេញ ៖ តារា​សម្ដែង និង​ជា​ថៅកែ​ហាង​វ័យក្មេង ​កញ្ញា លី ច័ន្ទ​សីហា បច្ចុប្បន្ន​នេះ​ ត្រូវ​បាន​គេ​ដឹង​ថា​ នាង​កំពុងតែ​ស្ថិត​នៅ​លើ​ទឹកដី​នៃ​ប្រទេស​ជប៉ុន ជា​មួយ​នឹង​តារា​សម្ដែង​ប្រុស​លោក រតនៈ ពិសិដ្ឋ ។

កញ្ញា លី ច័ន្ទ​សីហា បាន​ឈាន​ជើង​ចាក​ចេញពី​ប្រទេស​កម្ពុជា​កាលពីដើម​ខែ​កក្កដា ​ឆ្នាំ​២០១៥។ តារា​ចម្រៀង និង​ជា​តារា​សម្ដែង​រូប​នេះ​ត្រូវ​បាន​ខាង​សមាគម​ខ្មែរ​រស់នៅ​ជប៉ុន​ជា​អ្នកធានា​ដើម្បី​ចេញទៅ​ច្រៀង និង​សម្ដែង​នៅ​លើ​ទឹកដី​ប្រទេស​មួយ​នេះ ខណៈ​ដែល កញ្ញា លី ច័ន្ទ​សីហា កំពុង​តែ​ស្ថិតនៅ​ក្នុង​ប្រទេស​ជប៉ុន ក៏​មាន​ប្រភព​មាន​ខ្លះៗ​បាន​បញ្ចេញ​មក​ឲ្យ​ដឹង​ថា តារា​ស្រី​របស់​ខ្មែរ​រូប​នេះ កំពុងតែ​ធ្វើ​ឱ្យ​អ្នក​រស់​នៅ​ប្រទេស​ជប៉ុន​មានការ​ពេញចិត្ត ពេញ​ថ្លើម​យ៉ាង​ខ្លាំង រហូត​មាន​អ្នកខ្លះ​ឧបត្ថម្ភ​ជា​កាដូ​ដើម្បី​ជា​ការ​ផ្គាប់ចិត្ត​ដល់​នាង​ផង​ដែរ។

ប្រភព​ដដែល​បាន​ឲ្យ​ដឹង​ទៀត​ថា វត្តមាន​នៃ​ការ​សម្ដែង​របស់​កញ្ញា លី ច័ន្ទ​សីហា នៅ​ទីនោះ​បាន​ធ្វើ​ឱ្យ​ភ្ញៀវ​ដែល​ចូលរួម​កម្មវិធី ក៏ដូចជា​បង​បង្អូន​អាណិកជន​ខ្មែរ​ដែល​កំពុង​រស់នៅ​ទីនេះ​មាន​ការ​ពេញ​ចិត្ត​យ៉ាង​ក្រៃលែង។ ជាពិសេស​តារា​ចម្រៀង​កញ្ញា លី ច័ន្ទ​សីហា ក៏​ទទួល​បាន​ការឧបត្ថម្ភ​កាដូ​ពិសេសៗ​ពី​អ្នកគាំទ្រ​ផង​ដែរ។

ប្រភព​បញ្ជាក់​ថា កញ្ញា លី ច័ន្ទ​សីហា ពេលខ្លះ​មិនសូវ​ទំនេរ​ឡើយ​ ដោយ​ត្រូវ​អ្នកនេះ​ធានា​ជូន​ដើរលេង​ អ្នកនោះ​ស្នើ​ឲ្យ​ទៅ​ចូលរួម​ជប់លៀង​ជា​លក្ខណៈ​គ្រួសារ​នៅ​តាម​ផ្ទះ​នីមួយៗ​ មិនសូវ​ទំនេរ​ទេ​។ ទាំង​នេះ​ហើយ​ដែល​បង្ហាញ​ថា លី ច័ន្ទ​សីហា មាន​ភាព​ជោគជ័យ​សម្រាប់​ការ​សម្ដែង​នៅ​លើ​ទឹក​ដី​ប្រទេស​ជប៉ុន ហើយ​នេះ​ក៏​ជា​ឱកាស​ដ៏​ល្អ​សម្រាប់​កើប​លុយ​មក​ប្រទេស​ខ្មែរ​វិញ​ដែរ។​

តារា​សម្ដែង​ចង្កា​ស្រួច​ កញ្ញា លី ច័ន្ទ​សីហា បាន​ដឹក​ដៃ​បណ្ដើរ​គ្នា​ជាមួយ​តារា​ប្រុស​រូប​សង្ហា​លោក រតនៈ ពិសិដ្ឋ​ ចេញពី​ប្រទេស​ខ្មែរ ទៅ​សម្ដែង ​និង​ចម្រៀង​នៅ​ប្រទេស​ជប៉ុន​ កាលពី​អំឡុង​ដើម​ខែ​កក្កដា ឆ្នាំ​២០១៥​នេះ។ ប៉ុន្តែ​ដំណើរ​វិលត្រឡប់​របស់​អ្នក​ទាំងពីរ​មិនទាន់​ត្រូវ​បាន​គេ​ដឹង​ទេ​ថា​នឹង​មក​ដល់​ស្រុក​ខ្មែរ​នៅ​ថ្ងៃ​ណា​នោះ​ឡើយ​៕
Pisey-2015-07-21-full-U

Pisey-2015-07-21-full-U1

Pisey-2015-07-21-full-U5




លី ច័ន្ទ​សីហា អ្នក​នៅ​ជប៉ុន​ពេញចិត្ត​

Post a Comment

0 Comments

Close Menu