លោកតា អែម ង៉ុយ អាចារ្យវត្តព្រែកថ្លឹងបានរៀបរាប់ឲ្យដឹងថា ផ្លូវលំសន្តស្ទឹងព្រែកត្នោតនៅសង្កត់ព្រែកកំពឹសខូចខាតស្ទើរតែគ្រប់កន្លែង ដោយសារតែអាជ្ញាធរមូលដ្ឋានមិនមានវិធានការទប់ស្កាត់ទាល់តែសោះ បណ្ដោយឲ្យឈ្មួញរកស៊ីដឹកដីតាមអំពើចិត្ត ទើបផ្លូវមួយខ្សែនេះខូចខាតយ៉ាងដូច្នេះ។
លោកតាអាចារ្យវត្តព្រែកថ្លឹងបានបន្តថា ផ្លូវមួយខ្សែនេះមានសារៈសំខាន់ណាស់ មានមនុស្សធ្វើដំណើរទៅមកនៅផ្លូវមួយខ្សែនេះជារៀងរាល់ថ្ងៃ តែអាជ្ញាធរមូលដ្ឋានមិនមានវិធានការទប់ស្កាត់ទាល់តែសោះ បណ្ដោយឲ្យសន្តស្ទឹងព្រែកត្នោតនៅសង្កត់ព្រែកកំពឹសខូចខាតស្ទើរតែគ្រប់កន្លែងដោយរាល់ថ្ងៃ ពិសេសក្មេងសិស្សសាលាមានការលំបាកពេលមានភ្លៀងម្តងៗ ធ្លាក់ជង្ហុករអិលដួលស្ទើរតែគ្រប់គ្នា ហើយផ្លូវមួយខ្សែនេះកន្លងមកឃើញមានភ្ញៀវទេសចរណ៍អន្តរជាតិជិះឆ្លងកាត់ផងដែរ។
ដូច្នេះប្រជាពលរដ្ឋ ក៏ដូចជាព្រះសង្ឃ បាននាំគ្នាទទូចសុំទៅដល់អាជ្ញាធរគ្រប់លំដាប់ថ្នាក់ ពិសេសអាជ្ញាធរសាលាខណ្ឌដង្កោ មេត្តាដាក់វិធានការទប់ស្កាត់ទៅលើក្រុមឈ្មួញរកស៊ីដឹកដីខាងលើនេះផង បើពុំដូច្នោះទេ ពលរដ្ឋពិតជាលំបាករហូតហើយ៕
ឡានដឹកដីរបស់ឈ្មោះ សៅ សុធា កំពុងបំផ្លាញផ្លូវលំសន្តស្ទឹងព្រែកត្នោត
0 Comments