តាមប្រភពពត័មានពីតៃវ៉ាន់បានឱ្យដឹងថា តារាចំរៀងស្រីរូបស្រស់មួយដួងនេះ បានទៅប្រគុំ តន្ត្រីនៅទីក្រុងប៉េកាំង។ ខណៈពេលដែលការប្រគុំតន្ត្រីជិតចាប់ផ្តើមនោះ កញ្ញា ឆាយអ៊ីលីង ក៏បានpost សារជាសំណេរនៅលើបណ្តាញគេហទំព័រ WEIBO ប្រទេសចិន ដោយបានសរសេរថា “我呸！北京！” ដែលបកប្រែជាភាសាជាតិថា “ខ្ញុំខ្ពើម!ប៉េកាំង។
លុះក្រោយពីការប្រគុំតន្ត្រីបានបញ្ចប់មិនយូរប៉ុន្មាន ស្រាប់តែផ្ទុះពត័មាននេះឡើង ហើយក៏បានធ្វើឱ្យអ្នកគាំទ្ររបស់នាងជាច្រើន មានការក្រោធខឹងសម្បារយ៉ាងខ្លាំង។ មិនត្រឹមតែប៉ុណ្ណោះ នាងត្រូវបានរងការជេរស្តីយ៉ាងចាស់ដៃពីសំណាក់មហាជន ជាពិសេស អ្នករស់នៅទីក្រុងប៉េកាំងផ្ទាល់ ពួកគេបានឆ្លើយតបទៅនាងវិញថា” ខ្ញុំខ្ពើមស្រីសំអុយដូចនាងណាស់! ឆាប់ចេញពីប៉េកាំងភ្លាម!កុំត្រលប់មកវិញឱ្យសោះ!”
បើតាមប្រភពដដែលបានបន្តទៀតថា កញ្ញា ឆាយអ៊ីលីង នៅពាក់កណ្តាលឆ្នាំ២០១៥នេះ នាងបានចេញនូវអាល់បុមថ្មីដែលមានចំណងជើងថា “ខ្ញុំខ្ពើម!”( 我呸!) ហើយអាល់បុមមួយនេះ បានទទួលប្រជាប្រិយភាពយ៉ាងខ្លាំងគួរឱ្យកត់សំគាល់ផងដែរ ជាហេតុនាំឱ្យនាងpost សារជាសំណេរ ក្នុងគោលបំណងផ្សព្វផ្សាយអាល់បុមថ្មីរបស់នាង។ប៉ុនែ្តគួរឱ្យស្តាយ អ្វីដែលនាងគិតគឺផ្ទុយស្រលះនឹងការគិតរបស់មហាជន បែរជាត្រូវគេជេរស្តីទៅវិញ។
យ៉ាងណាមិញ កញ្ញា ឆាយអ៊ីលីង នាងក៍បានសុំទោសជាសាធារណៈ ហើយនាងបាននិយាយថា “នាងខ្ញុំពិតជាសុំទោសចំពោះរឿងដែលកើតឡើង នាងខ្ញុំគ្មានបំណងនឹងធ្វើដូច្នោះឡើយ” ។
កញ្ញា ឆាយ អ៊ីលីង រងការជេរស្តីយ៉ាងខ្លាំង ក្រោយពីការប្រគុំតន្ត្រី PLAY របស់នាងបានបញ្ចប់
0 Comments