លោក ជា ដា មេបញ្ជាការអាវុធហត្ថក្រុងប៉ោយប៉ែត បានឲ្យដឹងថា ដោយទទួលបានការណែនាំពីសំណាក់លោកមេបញ្ជាការអាវុធហត្ថខេត្ត ក្នុងការត្រួតពិនិត្យអាវុធជាតិផ្ទុះកម្លាំងរបស់លោកបានធ្វើការត្រួតពិនិត្យលើយុវជនសង្ស័យ២នាក់មាន១ឈ្មោះ ប៊ិន សុឃឿន ហៅ ចេង ភេទប្រុស អាយុ ៣៣ឆ្នាំ មានស្រុកកំណើតភូមិ ជើងភ្នំ ឃុំ ជើងភ្នំ ស្រុក បាភ្នំ ខេត្ត ព្រៃវែងបច្ចុប្បន្នលំនៅដ្ឋានមិនពិតប្រាកដ ក្រុងប៉ោយប៉ែត មុខរបរ កម្មករ ២/ឈ្មោះ លី ហាន ហៅ មូម ភេទ ប្រុស អាយុ ៣២ឆ្នាំ មានស្រុកកំណើត ភូមិ ថ្មី ឃុំ ថ្មី ស្រុក ស្រែអំបិល ខេត្ត កោះកុង បច្ចុប្បន្ន ភូមិ បាលិលេយ្យ២ សង្កាត់និងក្រុង ប៉ោយប៉ែត ខេត្ត បន្ទាយមានជ័យ មុខរបរ កម្មករ។ បានរកឃើញគ្រឿងញៀនប្រភេទខេទឹកកកចំនួន៣កូនថង់កិបថ្លា ទើបសមត្ថកិច្ចធ្វើការឃាត់ខ្លួនបញ្ជូនមកមូលដ្ឋានអាវុធហត្ថក្រុង ដើម្បីធ្វើការសាកសួរ ។
ក្រោយពីធ្វើការសាកសួរចម្លើយ ជនសង្ស័យទាំងពីរនាក់បានឆ្លើយសារភាពថា ថ្នាំញៀនទាំងបីថង់ពួកគេទិញមកដើម្បីប្រើប្រាស់មិនមែនជួនដូរឡើយ។ បច្ចុប្បន្ន សមត្ថកិច្ច បានកសាងសំណុំរឿងបញ្ជូន ទៅតុលាការចាត់ការតាមនីតិវិធីច្បាប់៕
ត្រួតពិនិត្យអាវុធជាតិផ្ទុះប៉ះជនសង្ស័យ២នាក់ មានគ្រឿងញៀន៣ថង់តូច
0 Comments