ហេតុការណ៍នេះបានកើតឡើង កាលពីវេលាម៉ោង៥ទាបភ្លឺ ថ្ងៃទី២១ ខែកក្កដា ឆ្នាំ២០១៥នៅចំនុចក្នុងផ្ទះរបស់ជនរង គ្រោះស្ថិតនៅភូមិស្ទឹងជ្រៅ សង្កាត់ដើមមៀន ក្រុងតាខ្មៅ។ ជនរងគ្រោះឈ្មោះ ស៊ិន សឿន ភេទប្រុស អាយុ ៤៦ឆ្នាំ ជនជាតិខ្មែរ មុខរបររត់រ៉ឺម៉កមានទីលំនៅ ភូមិស្ទឹងជ្រៅ សង្កាត់ដើមមៀន ក្រុងតាខ្មៅ។
សាក្សីនៅជិតផ្ទះកន្លែងកើតហេតុបានប្រាប់ឲ្យដឹងថា កាលពីវេលាម៉ោងកើតហេតុខាងលើ ជនរងគ្រោះតែងតែផឹកស្រាជាប្រចាំ និងលេងល្បែងស៊ីសង(កន្ទុយលេខ) ជារៀងរាល់ថ្ងៃ ហើយជំពាក់លុយគេមួយលានរៀល។ តែពីថ្ងៃចុងក្រោយគាត់ក៏មិនបានដេកជាមួយប្រពន្ធទេ ហើយប្រពន្ធសួរថាតើឯងមានរឿងអី លុះដល់ម៉ោង១រំលងអធ្រាត្រប្រពន្ធ ក៏ដាស់ឲ្យខ្ទាស់ទ្វា ព្រោះប្រពន្ធទៅផ្សារ រហូតដល់ម៉ោង៥ភ្លឺនាក់ជិតខាងមកយកម៉ូតូដែលទុកនៅផ្ទះកើតហេតុ ក៏ស្រាប់តែឃើញជនរងគ្រោះចងកនៅផ្ទះបាយតែម្តង។
សូមបញ្ជាក់ផងដែរថា មកពីបុរសខាងលើញៀននិងល្បែងកន្ទុយលេខពេក ហើយជំពាក់លុយគេច្រើន ទើបសម្រេចចិត្តធ្វើអត្ថឃាតចងកសម្លាប់ខ្លួនឯង។ បច្ចុប្បន្នល្បែងកន្ទុយលេខនៅក្រុងតាខ្មៅហាក់ដូចជាកក្រើក និងរីកដូចផ្សិត ដល់ហើយ មិនដែលឃើញសមត្ថកិច្ចមានវិធានការចុះបង្ក្រាបឡើយ៕
ដោយសារញៀនល្បែងកន្ទុយលេខ ជំពាក់លុយគេច្រើនពេក ធ្វើអត្ថឃាតចងកសម្លាប់ខ្លួនឯង
0 Comments