នៅល្ងាចថ្ងៃទី២០ ខែកក្កដា ឆ្នាំ២០១៥នេះដែរ លោកស្នងការនគរបាលខេត្តកំពង់ឆ្នាំងបានឲ្យក្រុមអ្នកកាសែតយើងដឹងថា លោកក៏បានទទួលពាក្យបណ្ដឹងនេះហើយដែរ ដែលលោកក៏កំពុងឲ្យសមត្ថកិច្ចជំនាញហៅនារីរងគ្រោះ និងលោកអធិការស្រុកដែលមានប្រពន្ធមានកូននៅក្នុងក្រុងកំពង់ឆ្នាំងទៅហើយនោះ ដែលបានរងការចោទប្រកាន់ពីនារីជាយុវសិស្សខាងលើមកធ្វើការសាកសួរ ជុំវិញរឿងនេះ ពុំទាន់ទទួលលទ្ធផលច្បាស់លាស់នៅឡើយទេ។
ដោយឡែក លោកអធិការស្រុកដែលរងការចោទប្រកាន់ខាងលើនេះបាននិយាយឲ្យក្រុមអ្នកកាសែតយើងដឹងនៅព្រឹកថ្ងៃទី២១ ខែកក្កដា ឆ្នាំ២០១៥នេះថា រូបលោក និងនារីខាងលើនេះបានស្រឡាញ់គ្នាជាង១ខែហើយ និងបានរួមដំណេកជាមួយគ្នានៅក្នុងផ្ទះសំណាក់ចំនួន៣ដង។ ហើយនៅរៀងរាល់ថ្ងៃពេលចេញពីរៀន នាងតែងមកសម្រាកលេងពេលថ្ងៃៗក្នុងបន្ទប់ដេករបស់លោកនៅក្នុងអធិការដ្ឋាននគរបាលស្រុក មិនសូវខានឡើយ និងធ្លាប់បានដើរស៊ីផឹកហូបចុកជាច្រើនដង ដែលមានកូនចៅរបស់លោកជាច្រើននាក់បានដឹងរឿងនេះ។
ដូច្នេះករណីនេះ លោកមិនបានចាប់រំលោភនាងដូចការប្តឹងចោទប្រកាន់នោះឡើយ។ ចំណែកប្រពន្ធកូនលោកនៅក្នុងក្រុងកំពង់ឆ្នាំងមិនត្រូវរ៉ូវគ្នាយូរឆ្នាំមកហើយ ហេតុនេះទើបលោកមានក្រៅបែបនេះ។
លោកអធិការដែលបានរងការប្តឹងចោទប្រកាន់ក្នុងរឿងខាងលើ ត្រូវបានលោកស្នងការនគរបាលខេត្ត ដកមកឈរជើងនៅក្នុងស្នងការដ្ឋាននគរបាលខេត្ត ដើម្បីស្រាវជ្រាវ និងដោះស្រាយរឿងនេះ និងត្រៀមប្រកាសឲ្យលោកអធិការរងនគរបាលស្រុកម្នាក់ទទួលការងារជំនួស ក្នុងពេលឆាប់ៗនេះ៕
លោកអធិការស្រុកម្នាក់ រងការចោទប្រកាន់ថាបានចាប់រំលោភសិស្សស្រីថ្នាក់ទី១២ម្នាក់
0 Comments