ប្រភពការទូត និងយោធាបាននិយាយថា ប្រទេសជប៉ុន នឹងចូលរួមក្នុងការធ្វើសមយុទ្ធកងទ័ពជើងទឹករួមគ្នាមួយជាមួយឥណ្ឌា និងសហរដ្ឋអាមេរិក នៅមហាសមុទ្រឥណ្ឌា នៅខែតុលា។
ក្រុមអ្នកវិភាគបាននិយាយថា ការសម្រេចចិត្តរបស់ក្រុង New Delhi ក្នុងការពង្រីកសមយុទ្ធ “Malabar” ដែលខ្លួនធ្វើជាមួយសហរដ្ឋអាមេរិក ជារៀងរាល់ឆ្នាំនេះគឺដើម្បីរួមបញ្ចូលប្រទេសជប៉ុន ដែលបានបង្ហាញពីការរឹតបន្តឹងនៃទំនាក់ទំនងយោធារវាងប្រទេសមហាអំណាចដែនសមុទ្រដ៏សំខាន់ទាំងបីនៅក្នុងតំបន់អាស៊ី។
ប្រភពកងទ័ពជើងទឹកនិងការទូតនៅ New Delhi បាននិយាយថា មន្ត្រីយោធាមកពីប្រទេសឥណ្ឌា សហរដ្ឋអាមេរិក និងប្រទេសជប៉ុន កំពុងជួបប្រជុំគ្នានៅឯមូលដ្ឋានកងទ័ពជើងទឹកអាមេរិកនៅទីក្រុង Yokosuka ក្បែរទីក្រុងតូក្យូនៅថ្ងៃពុធនិងថ្ងៃព្រហស្បតិ៍ ស្តីពីគម្រោងការធ្វើសមយុទ្ធនេះ។
មន្ត្រីរដ្ឋាភិបាលជប៉ុន នៅទីក្រុងតូក្យូ បានបញ្ជាក់ពីកិច្ចប្រជុំនេះ និងបាននិយាយថាតំណាងមកពីកងទ័ពជើងទឹកនៃប្រទេសទាំងបី កំពុងពិភាក្សាគ្នាអំពីការចូលរួមរបស់ទីក្រុងតូក្យូ ក្នុងសមយុទ្ធនេះ។
ក្រុមមន្ត្រីនឹងសម្រេចចិត្តពីប្រភេទនៃនាវាចម្បាំង និងយន្តហោះដែលនឹងដាក់ពង្រាយសម្រាប់ការធ្វើសមយុទ្ធនេះនៅក្នុងឈូងសមុទ្រ Bengal ភាគឦសានមហាសមុទ្រឥណ្ឌា។
ចំណងទាក់ទងកាន់តែជិតស្និទ្ធ។
លោក Jeff Smith ដែលជាអ្នកជំនាញតំបន់អាស៊ីខាងត្បូងនៅក្រុមប្រឹក្សាគោលនយោបាយការបរទេសអាមេរិក បានឲ្យដឹងថា ប្រទេសជប៉ុន បានចាប់អារម្មណ៍ក្នុងការចូលរួមធ្វើសមយុទ្ធនៅឆ្នាំនេះ នៅពេលដែលខ្លួនបានពង្រីកតួនាទីយោធារបស់ខ្លួនប្រឆាំងនឹងប្រទេសចិន។
ការដាក់បញ្ចូលប្រទេសជប៉ុន របស់នាយករដ្ឋមន្ត្រីឥណ្ឌា លោក Narendra Modi គឺជាផ្នែកមួយនៃគំរូក្នុងការក្លែងបន្លំនិន្នាការទំនាក់ទំនងជិតស្និទ្ធជាមួយអាមេរិក និងសម្ព័ន្ធមិត្តរបស់ខ្លួន។
ប្រទេសឥណ្ឌា បានរៀបចំការធ្វើសមយុទ្ធពហុភាគីចុងក្រោយបំផុតក្នុងឆ្នាំ២០០៧ នៅពេលដែលខ្លួនបានអញ្ជើញប្រទេសជប៉ុន អូស្ត្រាលី និងប្រទេសសិង្ហបុរី ដើម្បីចូលរួមធ្វើសមយុទ្ធជាមួយកងទ័ពជើងទឹកអាមេរិក នៅឈូងសមុទ្រ Bengal ដែលជំរុញឲ្យមានការភ័យខ្លាចមួយនៅក្នុងទីក្រុងប៉េកាំង។
នៅពេលនោះ រដ្ឋាភិបាលក្រុងប៉េកាំង បានធ្វើសកម្មភាពការទូតដើម្បីស្វែងរកការពន្យល់ពីប្រទេសដែលចូលរួម៕
Reuters
ឥណ្ឌា ជប៉ុន និងសហរដ្ឋអាមេរិក គ្រោងធ្វើសមយុទ្ធកងទ័ពជើងទឹក ក្នុងមហាសមុទ្រឥណ្ឌា ដើម្បីពង្រឹងទំនាក់ទំនង
0 Comments