អតីតប្រធានក្រុមជម្រើសជាតិអង់គ្លេសម្នាក់នេះ បានទៅជួបគ្រួសាររបស់ លោក Gonzales នៅក្នុងរដ្ឋ California ហើយគេបានគោះទ្វារ នៅពេលម្ចាស់ផ្ទះបើកទ្វារពួកគេមានការភ្ញាក់ផ្អើលជាខ្លាំងដោយឃើញមនុស្សដ៏ល្បីម្នាក់ឈរនៅមុខផ្ទះរបស់ពួកគេ។ ក្រោយពេលគ្រប់គ្នាបន្ថយអារម្មណ៍ភ្ញាក់ផ្អើលរួចហើយ លោក Beckham បានពន្យល់ពីមូលហេតុដែលលោកមកទីនេះ។
លោកបាននិយាយថា លោកមកទីនេះមានហេតុផលមួយចំនួន ហើយគោលដៅចម្បងដែលលោកមកទីនេះព្រោះលោកបានឮរឿងមួយចំនួនអំពីគ្រួសារអ្នក។ លោកមានកិត្តិយសណាស់ដែលមកទីនេះហើយទទួលបានការស្វាគមន៍និងបានជួបអ្នកគ្រប់គ្នាបែបនេះ។ ភ្លាមៗនោះដែរ លោក Beckhamក៏បានប្រគល់ទូរស័ព្ទ Iphone ថ្មីសន្លាងចំនួន៧គ្រឿងជូនដល់សមាជិកគ្រួសារនោះ និងបាននិយាយទៅកាន់ពួកគេថា “ខ្ញុំបានឮអំពីរបៀបធ្វើការរបស់អ្នកទាំងអស់គ្នា ខ្ញុំបានឮរឿងអស្ចារ្យដែលគ្រួសារអ្នកធ្វើជាមួយគ្នា”។ ក្រោយនិយាយចប់ លោក Beckham បានប្រគល់សំបុត្រពណ៌ខ្មៅមួយដល់ពួកគេ ហើយនៅពេលបើកសំបុត្រពួកគេមានការភ្ញាក់ផ្អើលជាខ្លាំងព្រោះក្នុងនោះគឺជាសែកដែលមានទឹកប្រាក់សែនដុល្លារអាមេរិក ជាហេតុធ្វើឲ្យអ្នកគ្រប់គ្នារំភើបរហូតដល់ស្រក់ទឹកភ្នែក។
គួររំឭកថា លោក Gonzales គឺជាធ្លាប់ជាកីឡាករបាល់ទាត់នៅក្នុងប្រទេសម៉ិកស៊ីកូប៉ុន្តែគាត់បានលះបង់អាជីពដែលជាក្ដីស្រមៃរបស់គាត់ ហើយទៅធ្វើជាកម្មករសំណង់ដែលទទួលបានកម្រៃច្រើនជាងដើម្បីអាចផ្គត់ផ្គង់ជីវភាពរបស់គ្រួសារ៕
David Beckham ឲ្យIphone ៧គ្រឿងនិងសែតខ្មៅមានលុយ១សែនដុល្លារដល់គ្រួសារលោក Gonzales
0 Comments