នេះគឺជាអ្វីដែលក្រុមអ្នកគាំទ្រក្លិបReal Madridចង់បាន។ ជ័យជម្នះ៤-១ដ៏មានការជឿជាក់លើក្រុម Man Cityបានក្លាយជាការឆ្លើយតបដ៏សំខាន់មួយក្រោយពេលទាត់ស្មើជាមួយក្រុម AS Romaនិងជាពេលវេលាដ៏ត្រឹមត្រូវមួយដែលកីឡាករ Cristiano Ronaldoត្រូវរីករាយជាថ្មីម្តងទៀត។
គួរឲ្យដឹងថា តារាបាល់ទាត់ស្ថិតនៅក្នុងក្រុមជម្រើសជាតិព័រទុយហ្គាល់ម្នាក់នេះ ធ្លាប់បាននិយាយគាំទ្រ ដោយបើកចំហដល់អតីតគ្រូបង្វឹកCarlo Ancelotti ពោលគឺរយៈពេលប៉ុន្មានថ្ងៃប៉ុណ្ណោះក្រោយការបណ្ដេញរូបលោកចេញពីតំណែងកាលពីខែឧសភា ដោយលោកបានអះអាងថា លោកសង្ឃឹមយ៉ាងមុតមាំថា នឹងអាចបន្តការងារជាមួយគ្រូបង្វឹកសញ្ជាតិអ៊ីតាលីម្នាក់នេះតទៅទៀត។ ម្យ៉ាងវិញទៀត វាគឺជាសារដ៏ច្បាស់ក្រឡែតមួយ ផ្ញើជូនប្រធានក្លិប Real MadridគឺលោកFlorentino Perez ថា គាត់មិនចង់ឲ្យមានការផ្លាស់ប្តូរអ្នកដឹកនាំតទៅទៀតនោះទេ ហើយវាក៏មានន័យថា គាត់មិនចង់រួមការងារជាមួយអ្នកចាត់ការថ្មីគឺលោក Rafa Benitez ផងដែរ។
ទោះបីជាយ៉ាងណាក៏ដោយ ស៊ូពើស្តារម្នាក់ បាននិយាយកាលពីដើមខែនេះថា លោកពេញចិត្តនឹងធ្វើការជាមួយលោកBenitez។
សូមបញ្ជាក់ថា នៅក្នុងការប្រកួតទេសចរណ៍នេះ កីឡាករKarim Benzema, Cristiano Ronaldo, Pepe និងកីឡាករ Cheryshev សុទ្ធតែរកគ្រាប់បាល់បានដូចគ្នាឲ្យក្រុម Real Madrid គឺមុនពេលដែលកីឡាករ Yaya Toure រកបាន១គ្រាប់វិញ ពីការស៊ុតបាល់ប៉េណាល់ទីឲ្យក្រុម Man City៕
កីឡាករRonaldoនៅតែជាតារាឆ្នើមក្នុងក្រុមReal Madridក្រោយទាត់ឈ្នះក្រុមMan City៤-១
0 Comments