មនុស្ស​៧​នាក់ បាត់បង់​ជីវិត​ក្នុង​ហេតុការណ៍​ផ្ទុះ​រថយន្ត​គ្រាប់​បែក​អត្តឃាត

នៅ​ព្រឹក​ថ្ងៃ​ព្រ​ហ​ស្ប​តិ៍នេះ ក្រុម​អ្នកស្រុក បាន​នាំ​គ្នា​ធ្វើការ​វាយតម្លៃ​ពី​ទំហំ​នៃ​ការខូចខាត ក្រោយពី​រថយន្តក្រុង​ធន់​តូច​មួយ​គ្រឿង​ដែល​ផ្ទុក​ដោយ​គ្រឿងផ្ទុះ បាន​ផ្ទុះឡើង​នៅ​កណ្តាលផ្លូវ ដែលមាន​មនុស្ស​ដ៏​ច្រើន​កុះករ ស្ថិត​នៅ​ក្នុង​ទីក្រុង​សាដ​របស់​ពួក​មូស្លីម​និកាយ​ស៊ី​អ៊ី​ត ជិត​ទីក្រុង​បា​ដា​ដ ប្រទេស​អ៊ីរ៉ាក់ កាលពី​យប់​កន្លងទៅ។

យោង​តាម​សំដី​ក្រុម​នគរបាល​អ៊ីរ៉ាក់​បាន​ឲ្យ​ដឹង​ថា មនុស្ស​៧​នាក់ បាន​បាត់​បង់ជីវិត ដែល​ក្នុងនោះ​រួមមាន​ទាំង​កូនក្មេង​២​នាក់​ផង​ដែរ។

ក្រុម​មន្ត្រី​បាន​អះអាង​ថា គ្រាប់បែក​បាន​ផ្ទុះឡើង​នៅ​ជិត​ការិយាល័យ​ស្រុក​តែម្តង។ យ៉ាងហោចណាស់​មនុស្ស​១៨​នាក់​ផ្សេងទៀត បាន​រងរបួស ក្នុងនោះ​មាន​ទាំង​កូនក្មេង​៤​នាក់​ផង​ដែរ។

ទោះបីជា​យ៉ាងណាក៏ដោយ មក​ទល់​នឹង​ពេលនេះ នៅ​មិន​ទាន់​មាន​ភាគី​ឧទ្ទាម​ណាមួយ ប្រកាស​ទទួលខុសត្រូវ​ចំពោះ​ការវាយប្រហារ​លើក​នេះនោះ​ឡើយ៕



មនុស្ស​៧​នាក់ បាត់បង់​ជីវិត​ក្នុង​ហេតុការណ៍​ផ្ទុះ​រថយន្ត​គ្រាប់​បែក​អត្តឃាត