លិខិតមួយដែលសរសេរទៅកាន់លោក Ibrahim al-Asiri ដែលជាគ្រូផលិតគ្រាប់បែកជាមួយក្រុមអាល់កៃដា ក្នុងឧបទ្វីបអារ៉ាប់(AQAP) មានខ្លឹមសារថា “យើងជំរុញឲ្យអ្នកវាយប្រហារជនជាតិអាមេរិកនៅក្នុងតំបន់របស់អ្នក ឬនៅកន្លែងផ្សេង”។
ដោយឡែក មេដឹកនាំជាន់ខ្ពស់ AQAP មួយផ្សេងទៀតគឺលោក Khaled Batarfi បានចេញផ្សាយវីដេអូ ដែលមានសេចក្តីថ្លែងការណ៍ស្រដៀងគ្នានេះ។
AQAP បានរំដោះ Batarfi ចេញពីពន្ធនាគារមួយនៅយេមែន កាលពីខែមេសា។
មន្ត្រីប្រឆាំងភេរវកម្មអាមេរិក បានពណ៌នាលិខិតនេះថា ជាវោហារសាស្ដ្ររបស់មេដឹកនាំថ្មីចាប់តាំងពីកាន់កាប់ក្រុមសម្ព័ន្ធ ដែលសកម្មជាងគេបំផុតរបស់ក្រុមអាល់កៃដា ដែលត្រូវបានគេដឹងថា គឺបានគំរាមកំហែងដល់ផលប្រយោជន៍របស់ប្រទេសលោកខាងលិច»។
ប្រាក់រង្វាន់ ៥លានដុល្លារត្រូវបានគេផ្តល់ឲ្យចំពោះក្បាលរបស់ Asiri ហើយក្រុមអ្នកវិភាគបាននិយាយថា ប្រសិនបើគាត់សរសេរលិខិតនេះមែននោះ គាត់អាចនឹងជួបហានិភ័យ។
លោកស្រី Katherine Zimmerman នៅវិទ្យាស្ថានឧស្សាហកម្មអាមេរិក បាននិយាយថា យើងបានឃើញការវាយប្រហារតាមយន្តហោះចម្បាំងរបស់សហរដ្ឋអាមេរិក បានសម្លាប់មេដឹកនាំកំពូលរបស់ក្រុមអាល់កៃដាក្នុងប្រទេសយេមែន ជាបន្តបន្ទាប់ក្នុងរយៈពេលប៉ុន្មានខែកន្លងមកនេះ។ ប៉ុន្តែប្រសិនបើលិខិតនេះគឺជាការពិតប្រាកដមែននោះ វានឹងបង្ហាញថា លោក Asiri ដែលកម្រនឹងធ្វើសេចក្តីថ្លែងការណ៍ជាសាធារណៈនោះ គឺនៅតែនៅរស់។
មន្ត្រីស៊ើបអង្កេតបាននិយាយថា លោក Asiri បានដើរតួដ៏សំខាន់នៅក្នុងការប៉ុនប៉ងបំផ្ទុះគ្រាប់បែកក្នុងថ្ងៃបុណ្យណូអែល ឆ្នាំ២០០៩ ដែលអ្នកដំណើរមកពីទ្វីបអាហ្វ្រិក ស្ទើរតែត្រូវបានបំផ្ទុះគ្រាប់បែកនៅលើយន្តហោះក្រុង Detroit មួយដែលគាត់បានលាក់នៅក្នុងខោរបស់គាត់។
លើសពីនេះ លោកបានបង្កើតគ្រាប់បែកមួយដាក់នៅលើខ្លួនបងប្រុសរបស់គាត់ផ្ទាល់ដែលមានឈ្មោះថា Abdullah al-Asiri នៅក្នុងការប៉ុនប៉ងដើម្បីសម្លាប់ប្រធានប្រឆាំងភេរវកម្មអារ៉ាប៊ីសាអ៊ូឌីត ក្នុងឆ្នាំ២០០៩។ គ្រាប់បែកនោះបានសម្លាប់បងប្រុសរបស់គាត់ ប៉ុន្តែមន្ត្រីអារ៉ាប៊ីសាអ៊ូឌីត បានរួចជីវិត៕
សាខាក្រុមអាល់កៃដា អំពាវនាវឲ្យមានការវាយប្រហារថ្មី ប្រឆាំងអាមេរិក
0 Comments