ភ្នំពេញ ៖ បន្ទាប់ពីខណ្ឌដូនពេញ ខណ្ឌទួលគោក បើកយុទ្ធនាការបង្ក្រាប និងលុបបំបាត់មិនឲ្យមានល្បែងស៊ីសងនៅក្នុងមូលដ្ឋានរួចមក ក្រុមឈ្មួញដែលជាអ្នករកស៊ី បើកល្បែងភ្នាល់បាល់ ជ្រកក្រោមស្លាក អ៊ីនធឺណិត បាននាំគ្នាសម្រុកមកជួលទីតាំងនៅក្នុងភូមិសាស្ត្រ ខណ្ឌចំការមនដើម្បីបើកល្បែងស៊ីសងជ្រកក្រោមស្លាក អ៊ីនធឺណិត ជិត ១០០ទីតាំង យ៉ាងអនាធិបតេយ្យបំផុត ចំណែកអាជ្ញាធរវិញហាក់មិនមានវិធានការបង្ក្រាបនោះឡើយ។
ប្រជាពលរដ្ឋបានលើកឡើងនៅក្នុងលិខិត ផ្ញើមកកាន់ការិយាល័យ កាសែតកម្ពុជា ថ្មី សុំឲ្យជួយចុះផ្សាយ ដោយបានលើកឡើងថា នៅក្នុងភូមិសាស្ត្រ ខណ្ឌចំការមន បច្ចុប្បន្នក្រោមការដឹកនាំរបស់លោក ព្រុំ សំខាន់ ជាអភិបាលខណ្ឌ មានទីតាំងបើកល្បែងភ្នាល់ បាល់ ជ្រកក្រោមស្លាក បម្រើសេវា អ៊ីនធឺណិត ២៤ម៉ោងលើ២៤ម៉ោង និងទីតាំងកត់កន្ទុយលេខនៅតាមផ្ទះតាម ផ្សារ មិនក្រោម១០០ទីតាំងនោះទេ។ បច្ចុប្បន្ននេះទីតាំងទាំងនោះបានកំពុង លួចបង្កប់ប្រភេទជាល្បែងស៊ីសងយ៉ាងរលូន និង អានាធិបតេយ្យបំផត ធ្វើឲ្យសិស្ស និស្សិត និងកូនក្មេងតូច ៗ គេចវេះមិនចូលសាលា ពពាក់ពពូនគ្នាលេងល្បែង និងសេពគ្រឿងញៀនផងដែរ។
ទីតាំងល្បែងជ្រកក្រោមស្លាក អ៊ីនធឺណិត ២៤ម៉ោងលើ២៤ម៉ោង ដែលបង្កប់ល្បែងភ្នាល់បាល់ មួយៗទល់ភ្លឺ មិនក្រោម១០០កន្លែង នោះទេ មានដូចជា នៅម្តុំកៅដាយក្នុងសង្កាត់ទួលស្វាយព្រៃ២ ក្រោយយូធូចាស់ ម្តុំផ្សាអូឡាំពិក បឹង ត្របែក ជុំវិញ ផ្សាទួលទំពូង សង្កាត់ទន្លេបាសាក់ សង្កាត់ផ្សាដើមថ្កូវ សង្កាត់ទំនប់ទឹក និងក្រោយ រោងកុនគិរីរម្យ ក្នុងសង្កាត់ បឹងកេងកង១ បងកេងកង២ និងបឹងកេង៣។ ទីតាំងយីហ៊ោ ស៊ុបភើ២៨៨៨ណេត, VA អ៊ីនធឺណេត, ចូលីអ៊ីនធើណេត, UK Net, Emoney, វីអេណេត ។ល។ ពោរពេញទៅដោយប្រភពល្បែងស៊ីសង។
ពាក់ព័ន្ធទៅនឹងករណីនេះ អាជ្ញាធរក៏ដូចជាសមត្ថកិច្ចមូលដ្ឋានច្រើនតែងតែយកឡេស បញ្ជាក់ថា មានច្បាប់អនុញ្ញាតត្រឹមត្រូវ និងរុញកំហុសទៅថ្នាក់អធិការ និងអាជ្ញាធរ ខណ្ឌ ថា ជារឿងខាងលើៗ ថ្នាក់ក្រោមមិនដឹងទេ។ ចំណែកទីតាំងកត់កន្ទុយលេខធំកំពុងបើកទទួល យ៉ាងសុវត្ថិភាពមានដូចជា នៅ ផ្ទះ មន្ត្រីប៉ូលិសម្នាក់នៅក្រោយភោជនីយដ្ឋាន ម្លះ ផ្លូវមុនីវង្ស ក្នុងសង្កាត់ទន្លេបាសាក់ ក្នុងមួយថ្ងៃៗទទួលកត់បានរាប់លានរៀល។ នៅម្តុំផ្សាសុវណ្ណា ផ្ទះលក់កាហ្វេនៅ កែងស្តុបទួលទំពូង និងផ្ទះ លក់ដូនៅជុំវិញ ផ្សាបឹងត្របែកផ្លាស្សា។ មិនតែប៉ុណ្ណោះនៅក្នុងទឹកដីប៉ុស្តិ៍ទន្លេបាសាក់ ខណ្ឌ ចំការមន មានបើកហ្គេម បៀរអាប៉ោង នៅប្លុកអគារប៊ូឌីញ ប្លុក ផ្សាររន្ទះបាញ់ និងនៅម្តុំតេ ៨៥។
ពួកគាត់បានសម្តែង ការព្រួយបារម្ភ បារម្ភយ៉ាងខ្លាំង ខណៈដែល ល្បែងស៊ីសង បានកំពុងរីកដុះដាល គ្រប់ កន្លែង និងជ្រកក្រោម ស្លាក ទីតាំងសេវា អ៊ីនធឺណិត២៤ម៉ោងលើ២៤ម៉ោង ដែលបង្កប់ទៅដោយល្បែងស៊ីសង មិនត្រឹមតែជាការអូសទាញឲ្យកូនចៅ របស់ពួកគាត់ ឈ្លក់វង្វេងមិនចូលសាលា លួចឆក់ ទ្រព្យសម្បត្តិយកទៅជក់ថ្នាំនិងលេងល្បែង ព្រោះ ល្បែងទាំងនេះបានក្លាយទៅជាប្រភពនៃបទល្មើសកើតមានក្នុងសង្គមយ៉ាងធ្ងន់។ ពួកគាត់សួរថាតើគោលនយោបាយភូមិឃុំមានសុវត្ថិភាពរបស់រដ្ឋាភិបាល ដែលដាក់ចេញមានប្រសិទ្ធភាពដែរ ទេ? ខណៈនៅក្នុងភូមិសាស្ត្រខណ្ឌចំការមនពោរពេញទៅដោយល្បែងស៊ីសងនោះ។
សូមបញ្ជាក់ថា នៅខណ្ឌដូនពេញ ក្រោមការដឹកនាំរបស់លោកគួច ចំរើន ជាអភិបាលខណ្ឌ និង អាជ្ញាធរ ខណ្ឌទួលគោក បើកយុទ្ធនាការ បង្ក្រាប រាល់ ថ្ងៃ ដើម្បី លុបបំបាត់ មិនឲ្យមានល្បែងស៊ីនៅក្នុងមូលដ្ឋាន របស់លោកជាដាច់ខាត។ ដោយឡែកនៅអាណាចក្រ ខណ្ឌចំការមនវិញ ក្រោមការដឹកនាំលោក ព្រុំ សំខាន់ បច្ចុប្បន្ន ហាក់មិនមានវិធានការលុបបំបាត់និងបង្ក្រាបល្បែងស៊ីសងដូចខណ្ឌដទៃនោះទេ។ បញ្ហានេះត្រូវបាន ប្រជាពលរដ្ឋចោទថាមកពីអាជ្ញាធរនិងសមត្ថកិច្ចបានផលប្រយោជន៍ពីទីតាំងទាំងនោះទើបមិនមានវិធានការបង្ក្រាប។
ប្រជាពលរដ្ឋទទួលស្គាល់ថា ការអនុវត្តគោលនយោបាយភូមិ ឃុំមានសុវត្ថិភាព ពិតជាមានអត្ថប្រយោជន៍ខ្ពស់បំផុតសម្រាប់រក្សាសន្តិសុខ សណ្ដាប់ធ្នាប់ជូនប្រជាពលរដ្ឋក្នុងសង្គម។ ប៉ុន្តែ ភាពធូរលុង អនុញ្ញាតឲ្យល្បែងស៊ីសងកើតមានពេញបន្ទុកបែបនេះ ក៏ជាកំហុសរបស់អាជ្ញាធរ និងសមត្ថកិច្ចក្នុងមូលដ្ឋាន ចាត់ទុកថា មានចេតនាចិញ្ចឹមបទល្មើស ផ្ទុយពីជាអ្នកអនុវត្តច្បាប់ រៀបចំសន្តិសុខសណ្ដាប់ធ្នាប់ជូនប្រជាពលរដ្ឋក្នុងមូលដ្ឋាន។
ពាក់ព័ន្ធនឹងបញ្ហានេះ លោក ព្រុំ សំខាន់ អភិបាលនៃគណៈអភិបាលខណ្ឌចំការមន មិនអាចទំនាក់ទំនងសុំការបំភ្លឺបានទេ ប៉ុន្តែលោកអភិបាលបានប្រាប់ គេហទំព័រក្នុងស្រុកថា ទីតាំង អ៊ីនធឺណិត ពិតជាមានច្បាប់ទម្លាប់ត្រឹមត្រូវ ប៉ុន្តែ បើមានបង្កប់ជាប្រភេទល្បែងស៊ីសង ដាច់ខាត មិនអនុញ្ញាត ហើយរឿងនេះ ខ្ញុំបានឲ្យអាជ្ញាធរសង្កាត់ពិនិត្យតាមដានរាយការណ៍ឲ្យបានច្បាស់» ។ ប៉ុន្តែរហូតមកដល់ពេលនេះគេនៅមិនទាន់ឃើញលោកអភិបាលខណ្ឌចុះបង្ក្រាបទីតាំងណាមួយនៅឡើយឲ្យដូចជាការតាំងចិត្តរបស់លោកនោះឡើយ។
កន្លងមកប្រជាពលរដ្ឋធ្លាប់បាន ឮលោកនាយឧត្ដមសេនីយ៍ ” នេត សាវឿន អគ្គស្នងការនគរបាលជាតិ លោកតែងបានក្រើនរំលឹកដល់មន្ដ្រី នគរបាលគ្រប់ថ្នាក់ត្រូវតែអនុវត្ដឲ្យបាន ល្អចំពោះគោលនយោបាយភូមិឃុំ មាន សុវត្ថិភាព ។ ក្នុងនោះគឺត្រូវលុបបំបាត់ ល្បែងស៊ីសងគ្រប់ប្រភេទចាប់ពីល្បែង កន្ទុយលេខភ្នាល់បាល់បញ្ជល់មាន់ ល្បែងភ្នាល់តាមប្រព័
ក្រុមឈ្មួញសម្រុកបើកល្បែងស៊ីសង ជ្រកក្រោមស្លាកអ៊ីនធឺណិតជិត១០០ទីតាំងនៃខណ្ឌចំការមន
0 Comments