យោងតាមសមត្ថកិច្ចនគរបាលក្រុងបាវិតបានឲ្យដឹងថា មុនពេលកើតហេតុ មានម៉ូតូមួយគ្រឿងម៉ាកហុងដាសេ១២៥ ពណ៌ខ្មៅ ពាក់ស្លាកលេខភ្នំពេញ១BE៥៩៥៥ បើកបរដោយបុរសម្នាក់មិនត្រូវបានស្គាល់ឈ្មោះ ដោយធ្វើដំណើរពីលិចមកកើត ក្នុងល្បឿនលឿន ស្របពេលនោះ ស្រាប់តែមានម៉ូតូមួយគ្រឿងទៀតម៉ាកសង់កូរ៉េ ពណ៌ក្រហម ពាក់ស្លាកលេខស្វាយរៀង១D១៣២៥ បើកបរដោយឈ្មោះ សាក់ សុធី ភេទប្រុស អាយុ៤០ឆ្នាំ មុខរបរកសិករ ព្រមទាំងដឹកប្រពន្ធឈ្មោះ កុយ សាវី អាយុ៣៦ឆ្នាំ និងកូនប្រុសឈ្មោះ ធី ប៊ុនលាប អាយុ៤ឆ្នាំ ដោយអ្នកទាំង៣មានទីលំនៅភូមិទួលអំពិល សង្កាត់ច្រកម្ទេស ក្រុងបាវិត ដែលធ្វើដំណើរចេញពីហាងលក់គ្រឿងក្លែមមួយកន្លែង ពីកើតមកលិចបត់ឡើងលើផ្លូវ ខ្វះការប្រុងប្រយ័ត្ន ក៏បុកគ្នាយ៉ាងពេញទំហឹង បណ្ដាលឲ្យមនុស្ស និងម៉ូតូដួលរណែលពេញផ្លូវតែម្ដង។
ក្រោយមក ប្រជាពលរដ្ឋក៏បានរាយការណ៍ដល់សមត្ថកិច្ចនគរបាលប៉ុស្តិ៍មកអន្តរាគមន៍ និងយកជនរងគ្រោះមកសង្គ្រោះនៅមន្ទីរពេទ្យបង្អែកជីភូ ក្រុងបាវិត ប៉ុន្តែដោយបុរសដែលជិះម៉ូតូតែម្នាក់ឯងរបួសធ្ងន់ពេក ក៏បញ្ជូនបន្តមកកាន់មន្ទីរពេទ្យបង្អែកខេត្តស្វាយរៀង ហើយត្រូវបាត់បង់ជីវិតនៅវេលាម៉ោង៤ទៀបភ្លឺឈានចូលថ្ងៃទី៧ ខែសីហា ឆ្នាំ២០១៥នេះតែម្តង៕
ស្លាប់១នាក់ និងរបួសធ្ងន់ស្រាល៣នាក់ ដោយសារគ្រោះថ្នាក់ចរាចរណ៍នៅក្រុងបាវិត
0 Comments