សូមបញ្ជាក់ដែរថា កាលពីរសៀលថ្ងៃទី៦ ខែសីហា ឆ្នាំ២០១៥ មានករណីគ្រោះថ្នាក់ចរាចរណ៍មួយបានកើតឡើងលើផ្លូវជាតិលេខ៥ ពីប៉ោយប៉ែត ទៅខេត្តបន្ទាយមានជ័យ ស្ថិតត្រង់ចំណុចភូមិនិមិត្ត១ ក្រុងនិងខេត្តខាងលើនោះ ដែលហេតុការណ៍គ្រោះថ្នាក់នេះបង្កឡើងដោយរថយន្តកាមរីស៊េរី៩៥ ពណ៌ទឹកប្រាក់ បានដឹកទូរទស្សន៍ចំនួន១១គ្រឿង ចេញពីច្រករបៀង ក្នុងក្រុងប៉ោយប៉ែតឆ្ពោះទៅខេត្តបន្ទាយមានជ័យ លុះមកដល់ចំណុចកើតហេតុខាងលើ ក៏បានរេបុកម៉ូតូចំនួន២គ្រឿងដោយសារតែតៃកុងរថយន្តបង្កហេតុនោះភ័យខ្លាចនឹងរថយន្តគយរដ្ឋាករចល័តដេញប្រផាប់ចាប់ប្រភីង ទើបធ្វើឲ្យរថយន្តដែលដឹកទូរទស្សន៍នោះមានការភ័យខ្លាច ហើយក៏បានបង្កគ្រោះថ្នាក់ដល់ជនរងគ្រោះតែម្ដងទៅ។
លោក ម៉ារិន្ទ មេប៉ុស្តិ៍សង្កាត់និមិត្តបានបង្ហើបឲ្យដឹងថា មានជនរងគ្រោះចំនួន៥នាក់ ក្នុងនោះមានប្រុស៤ ស្រី១ ហើយជនរងគ្រោះទាំងនោះស្ថិតក្នុងភូមិកើតហេតុខាងលើ តែបានស្លាប់២នាក់ទៅហើយ ដែលក្នុងនោះទី១-ឈ្មោះ វ៉ា សំណាង អាយុ២២ឆ្នាំ ត្រូវបានស្លាប់នៅមន្ទីរពេទ្យដែលមានម៉ូតូម៉ាកឌ្រីមស៊េរី២០១១ ពណ៌ខ្មៅ ,ទី២-ឈ្មោះ យឹម តុង ភេទប្រុស អាយុ៦៤ឆ្នាំ បានស្លាប់ក្នុងមន្ទីរពេទ្យ ដែលជាម្ចាស់ម៉ូតូម៉ាកឃ្លិច ។
លោកមេប៉ុស្តិ៍ដដែលបានបន្តទៀតថា តៃកុងរថយន្តដែលបង្កហេតុនោះឈ្មោះ ប៉េង មិនស្គាល់អាយុ និងអាសយដ្ឋាន បានរត់គេចខ្លួន។ ហើយរថយន្តរបស់ជនបង្កម៉ាកកាមរីស៊េរី៩៥ ពណ៌ទឹកប្រាក់ មានស្លាកលេខ ៣ខ2A0769 ហើយមានដឹកទូរទស្សន៍ពេញក្នុងរថយន្តតែម្ដង។ លោកបានបញ្ជាក់ទៀតថា ការពិតទៅ គឺមន្ត្រីគយចល័តប្រចាំក្រុងប៉ោយប៉ែតបានដេញចាប់ទូរទស្សន៍នោះដើម្បីបង់លុយ ទើបធ្វើឲ្យតៃកុងរថយន្តខាងលើភ័យស្លន់ស្លោ ហើយបានបង្កគ្រោះថ្នាក់ដល់អ្នកដទៃតែម្ដងទៅ៕
ភ័យនឹងគយដេញចាប់ រេចង្កូតបុកម៉ូតូអស់២គ្រឿង បណ្ដាលឲ្យមនុស្សស្លាប់២នាក់ និងរបួសធ្ងន់៣នាក់(Update)
){kind=link}
0 Comments