សមត្ថកិច្ចបានឲ្យដឹងថា ជនដៃដល់លើដែលឃាត់ខ្លួននេះឈ្មោះឌឹម ង៉ោ ហៅម៉ៅ ភេទប្រុសអាយុ២១ឆ្នាំពុំមានមុខរបរ និងទីលំនៅពិតប្រាកដ។ ចំណែកជនរងគ្រោះឈ្មោះPhilip Schcimmin ភេទប្រុសអាយុ២៦ឆ្នាំ មុខរបរទេសចរណ៍កាន់លិខិតឆ្លងដែនលេខ១១១៣៦៧៧៧៧០ស្នាក់នៅផ្ទះសំណាក់កោះតូចសង្កាត់ផ្សារថ្មី៣ ខណ្ឌដូនពេញបានរងរបួសក្បាល ស្ថិតក្នុងស្ថានភាពធ្ងន់ធ្ងរកំពុងសង្គ្រោះនៅមន្ទីរពេទ្យកាល់ម៉ែត។
ប្រភពព័ត៌មានបានបន្តទៀតថា នៅមុនពេលកើតហេតុជនរងគ្រោះនិងមិត្តភក្ដិ បាននាំគ្នាដើរលេងនៅម្តុំសួនច្បារវត្តបទុមលុះមកដល់ចំណុចកើតហេតុ ស្រាប់តែមានជនសង្ស័យម្នាក់បានរត់យកពូថៅមកកាប់ជនបរទេសរងគ្រោះដោយពុំដឹងពីមូលហេតុអ្វីទាំងអស់ បណ្តាលឲ្យជនរងគ្រោះរូបនោះរបួសធ្ងន់ធ្ងរហើយព្យាយាមរត់គេចខ្លួន ដោយបោះពូថៅចោលតែភ្លាមៗនោះកម្លាំងនគរបាលមូលដ្ឋានចុះស្រាវជ្រាវឃាត់ខ្លួនជនសង្ស័យរូបនោះ ដើម្បីកសាងសំណុំរឿងបញ្ជូនទៅតុលាការ៕
ជនជាតិអង់គ្លេសម្នាក់ ត្រូវគេលបកាប់នឹងពូថៅរបួសធ្ងន់
0 Comments