ភ្នំពេញ ៖ អាជ្ញាធរសង្កាត់វត្តភ្នំក្រោមការដឹក នាំនិងបញ្ជាផ្ទាល់ដោយលោកហ៊ៅ ស៊ីនិតចៅសង្កាត់វត្តភ្នំនិងអ៊ុន សំអាត មេប៉ុស្តិ៍វត្តភ្នំដោយអនុវត្តតាមការណែនាំពីសំណាក់លោកគួច ចំរើន អភិបាលនៃគណៈ អភិបាលខណ្ឌដូនពេញបានបញ្ជាឲ្យអាជ្ញាធរសង្កាត់ និងប៉ុស្តិ៍ទាំងអស់ត្រូវធ្វើការចុះចាប់ប្រមូលក្រុមស្ត្រីរកស៊ីផ្លូវភេទ និងជនអនាថានៅក្នុងមូលដ្ឋានរបស់ខ្លួនបោសសំអាតឲ្យអស់ដូច្នេះហើយអាជ្ញាធរបានបើកយុទ្ធនាការ កាលពីយប់ថ្ងៃទី១៧ ខែសីហា ឆ្នាំ២០១៥នេះដោយចាប់ប្រមូលបានចំនួន៥១ដើម្បីបញ្ជូនទៅអប់រំនៅ មន្ទីរសង្គមកិច្ច។
លោកហ៊ៅ ស៊ីនិតចៅសង្កាត់និងលោកអ៊ុន សំអាតមេប៉ុស្តិ៍វត្តភ្នំបានឲ្យដឹងថា ដោយអនុវត្តតាមការណែនាំពីលោកអភិបាលខណ្ឌដូន ពេញក្នុងការរៀបចំសណ្ដាប់ឲ្យមានរបៀបរៀបរយឲ្យល្អប្រសើរ នៅក្នុងមូលដ្ឋាននិងជាពិសេសទៀតនោះគឺបញ្ហាក្រុមស្ត្រី រកស៊ីផ្លូវភេទនិងជនអនាថាដែលអាជ្ញាធរឈឺក្បាលក្នុងការចាប់បញ្ជូនទៅអប់រំមិនចេះមិនចេះហើយ ពោលគឺចាប់ហើយត្រឡប់មកវិញហើយនាំគ្នាមកពពាក់ពពូនប្រមូលផ្តុំបង្កភាពរញ៉េរញ៉ៃធ្វើឲ្យបាត់បង់សណ្ដាប់យ៉ាងខ្លាំងនៅតាមសួនច្បារក៏ដូចជានៅបរិវេណរមណីយដ្ឋានប្រវត្តិសាស្ត្រវត្តភ្នំនោះដូច្នេះហើយទើប លោកអភិបាលខណ្ឌដូនពេញបានបញ្ជាឲ្យអាជ្ញាធរប៉ុស្តិ៍ និងសង្កាត់ទាំអស់ត្រូវតែបន្តចុះចាប់ប្រមូលក្រុមស្ត្រីរកស៊ីផ្លូវនិងក្រុមជនអនាថាឲ្យអស់ពីមូលដ្ឋានរបស់ខ្លួនតែម្តង ដើម្បីបញ្ជូនមកសាលាខណ្ឌ និងបញ្ជូនបន្តទៅអប់រំនៅមន្ទីរសង្គមកិច្ច។
លោកបញ្ជាក់ទៀតថា កម្លាំងគណៈ បញ្ជាការឯកភាពប៉ុស្តិ៍ និងសង្កាត់វត្តភ្នំបានចុះប្រមូល ជនអនាថា និងស្ត្រីរកស៊ីផ្លូវភេទនៅជុំវិញស្ថានទូតអាមេរិក ជុំវិញវត្តភ្នំ បានចំនួនសរុប៥១ នាក់ ស្ត្រីរកស៊ី ផ្លូវភេទ៣៤ នាក់ ប្រុសខ្ទើយរកស៊ីផ្លូវភេទ៧ នាក់ ប្រុសអនាថា១០នាក់។
លោកបញ្ជាក់ទៀតថា ក្នុងការចុះចាប់ប្រមូលនោះដែរនិងត្រូវធ្វើជាបន្តបន្ទាប់ទៀតបើសិនណានៅក្នុងមូលដ្ឋានប៉ុស្តិ៍វត្តភ្នំនៅ តែមានក្រុមស្ត្រីរកស៊ីផ្លូវភេទទាំងនោះមកបង្កភាពរញ៉េរញ៉ៃធ្វើឲ្យបាត់បង់សណ្ដាប់ធ្នាប់តទៀតនោះ៕
អាជ្ញាធរសង្កាត់វត្តភ្នំបន្តចុះចាប់ប្រមូលស្ត្រីរកស៊ីផ្លូវភេទ និងជនអនាថានៅក្នុងមូលដ្ឋានបាន៥១នាក់
0 Comments