កោះកុង ៖ បុរសម្នាក់ត្រូវប្រពន្ធទាញកាំបិតកាប់លិង្គជិតដាច់ ក្រោយពីធ្វើសកម្មភាពប៉ងរំលោភកូនដើម តែត្រូវប្រពន្ធមកទាន់។
ហេតុការណ៍នេះបានកើតឡើងកាលពីវេលាទៀបភ្លឺថ្ងៃទី១៤ សីហា ឆ្នាំ២០១៥ នៅសង្កាត់ដងទង់ ក្រុងខេមរភូមិន្ទ ខេត្តកោះកុង។
ឪពុកចុងរូបនោះត្រូវគេឲ្យដឹងថា មានឈ្មោះយី សុផា អាយុ៣០មានមុខរបរជាកម្មករសំណង់។
បើតាមការរៀបរាប់របស់ស្រី្តជាម្តាយក្មេងស្រីរងគ្រោះឈ្មោះ ប៉ុង រីអាយុ៤០ឆ្នាំបានឲ្យដឹងថា មុនពេលកើតហេតុគាត់និងប្តីរួមទាំងកូនស្រីនិងកូនប្រុសម្នាក់ទៀត បានដេកជិតៗគ្នា ហើយនៅវេលាម៉ោងប្រហែល១១យប់ថ្ងៃទី១៣សីហាក្នុងខណៈពេលដែលគាត់ភ្ញាក់ដឹងខ្លួនក៏ស្រាប់តែឃើញប្តីគាត់ដេកពោបពីលើកូនស្រីរបស់គាត់ គាត់ក៏ច្រានចេញហើយក៏ដេកលក់ទៅវិញ។
ស្រី្តជាម្តាយបានរៀបរាប់បន្តថា បន្ទាប់មកនៅវេលាម៉ោង៤ជិតភ្លឺថ្ងៃទី១៤សីហា
ក្នុងខណៈពេលដែលគាត់ងើបទៅបន្ទប់ទឹក ក៏ឰសម្លេងកូនស្រីគាត់ស្រែក គាត់ក៏ស្ទុះរត់ចេញមកមើល ក៏ស្រាប់តែឃើញប្តីគាត់ដោះសំលៀកបំពាក់ចេញពីខ្លួនអស់ប្រុងរំលោភកូនស្រី, គាត់ទ្រាំមិនបានក៏ទាញយកកាំបិតដែលព្យួរនៅជញ្ជាំង មកកាប់ចំគល់លិង្គមួយកាំបិតតែម្តងបណ្តាលឲ្យរងរបួសដេរអស់១០ថ្នេរ។
បច្ចុប្បន្នឪពុកចុងរូបនោះកំពុងត្រូវសមត្ថកិច្ចសាកសួរ ដើម្បីកសាងសំណុំរឿងបញ្ជូនទៅកាន់តុលាការ៕
ប៉ងរំលោភកូនដើម ប្រពន្ធមកទាន់កាប់លិង្គជិតដាច់
0 Comments