ហេតុការណ៍នេះបានកើតឡើងកាលពីថ្ងៃទី៦ ខែសីហា ឆ្នាំ២០១៥ នៅវេលាម៉ោង៤និង៣០នាទីព្រឹក ត្រង់ចំណុចរង្វង់មូលស្ពានព្រែកសំរោង ផ្លូវ២១០ កែង១១៥ ស្ថិតក្នុងភូមិព្រែកសំរោង សង្កាត់តាខ្មៅ ក្រុងតាខ្មៅ។ ប៉ូលិសចរាចរក្រុងតាខ្មៅបានឲ្យដឹងថា រថយន្តបង្កម៉ាកHYUNDAI ពណ៌ស ពាក់ស្លាក ភ្នំពេញ3B-4593ដឹកដែកសំណង់ពេញព្រៀប អ្នកបើកបរមិនស្គាល់អត្តសញ្ញាណ(រត់បាត់) បើកបរក្នុងទិសដៅពីកើតទៅលិច(ចុះពីស្ពាន)មកដល់ចំណុចខាងលើរថយន្តបានបួងចង្កូតបណ្តាលអោយដាច់កន្ទុយសណ្តោងក្រឡាប់ទៅលើផ្លូវធ្លាក់ដែកចុះបណ្តាលអោយត្រូវអ្នកហាត់ប្រាណរងរបួសស្រាលម្នាក់បានត្រូវសាច់ញាតិយកទៅព្យាបាលនៅមន្ទីរពេទ្យបង្អែកជ័យជំនះ។
ជនរងគ្រោះនេះឈ្មោះ ម៉ៅ វិចិត្រ ភេទប្រុស អាយុជាង៤០ឆ្នាំ មានទីលំនៅភូមិព្រែកសំរោង៣ សង្កាត់តាខ្មៅ ក្រុងតាខ្មៅ។ ប៉ូលិសចរាចរណ៍ក្រុងតាខ្មៅបានឲ្យដឹងថា ករណីរថយន្តក្រឡាប់នេះ បើតាមពិនិត្យនៅកន្លែងកើតហេតុគឺរថយន្តមានល្បឿនលឿនបើចុះស្ពាននិងផ្ទុកទម្ងន់លើសការកំណត់ពេលមកដល់ត្រង់រង្វង់មូលគល់ស្ពានខាងលិចក៏ក្រឡាប់ផ្ងារកង់ឡើងលើតែម្តង។ រថយន្តបង្កនិងសម្ភារៈគ្រឿងសំណង់ត្រូវបានជំនាញយកឡានទៅស្ទូចនាំមកកាន់អធិការក្រុងតាខ្មៅដើម្បីដោះស្រាយតាមផ្លូវច្បាប់៕
រថយន្តដឹកដែកបើកហួសលឿនបណ្ដាឲ្យក្រឡាប់ទៅប៉ះអ្នកហាត់ប្រាណម្នាក់រងរបួសស្រាល
0 Comments