លោក ទូច ស៊ុនណារី អគ្គនាយកអង្គភាពប្រឆាំងអំពើពុករលួយបាននិយាយថា អង្គភាពប្រឆាំងអំពើពុករលួយនឹងបញ្ជូនអ្នកសង្កេតការណ៍ចំនួន៣នាក់ ឲ្យចុះមកអង្កេតការប្រលងមធ្យមសិក្សាទុតិយភូមិក្នុងខេត្តបន្ទាយមានជ័យនេះ។លោកទូចស៊ុនណារីបាននិយាយបន្តថាក្រៅពីការលើកឡើងនៃការបញ្ជូនអ្នកអង្កេតការចំនួន៣នាក់មកខេត្តបន្ទាយមានជ័យដើម្បីអង្កេតលើការប្រលងខាងលើ លោកក៏បានលើកឡើងផងដែរថា ក្នុងឆ្នាំ២០១៥នេះ អ្នកស្ម័គ្រចិត្តសង្កេតការណ៍សរុបមានចំនួន៥ពាន់នាក់ ដែល នឹងត្រូវចុះសង្កេតការណ៍តាមមណ្ឌលប្រលងនានាទូទាំងប្រទេស។
ជាមួយគ្នានោះដែរ លោកក៏បានលើកឡើងអំពីដំណើរការនៃការវិវឌ្ឍរបស់ការប្រលងបាក់ឌុបកន្លងមកហើយលោកក៏បានធ្វើការស្នើសុំឲ្យមានការសហការពីសំណាក់សមត្ថកិច្ចប៉ូលិសនិងកម្លាំងប៉េអិម ។លោកឈើយចាន់ណា ប្រធានមន្ទីរអប់រំយុវជន និងកីឡាខេត្តបន្ទាយមានជ័យបាននិយាយថា ឆ្នាំ២០១៥នេះ សម្រាប់ខេត្តបន្ទាយមានជ័យមានមណ្ឌលប្រលងចំនួន៥ មានមណ្ឌលប្រលងសម្ដេចឪ មណ្ឌលប្រលងអូរអំបិល មណ្ឌលប្រលងសិរីសោភ័ណ មណ្ឌលប្រលងសុភីលិច និងមណ្ឌលប្រលងសុភីកើត ដែលមានសិស្សចូលរួមប្រលងចំនួន២.៨៨៦នាក់ ក្នុងនោះស្រី ១.៤១១នាក់។
លោក គោស៊ុំ សារឿត អភិបាលខេត្តបន្ទាយមានជ័យមានប្រសាសន៍ថា លោកសូមគាំទ្រ ចំពោះយុទ្ធសាស្ត្រនៃការពង្រឹងលើគុណភាពការប្រឡង ហើយលោកសូមចូលរួមទប់ស្កាត់ ភាពមិនប្រក្រតីដូចជា បិទទីតាំងម៉ាស៊ីនហ្វូតូ មិនឲ្យមានការលក់ចំណីអាហារខ្វះសណ្ដាប់ធ្នាប់តាមមណ្ឌលប្រលង បិទមិនឲ្យមានការលក់វិញ្ញាសាប្រលង បន្តផ្សព្វផ្សាយមិនឲ្យអំពើពុករលួយទាំងក្នុង និងខាងក្រៅបន្ទប់ប្រឡង ៕
ភ្នាក់ងារប្រឆាំង និងអំពើពុករលួយ៣នាក់ចុះអង្កេតការណ៍ ពេលប្រឡងមធ្យមសិក្សាទុតិយភូមិ
0 Comments