តាមប្រភពដដែលបានឲ្យកម្ពុជាថ្មីដឹងថា សព្វថ្ងៃនេះមានការចរាចរគ្រឿងញៀនទ្រង់ទ្រាយធំនៅក្នុងកាស៊ីណូតាមតំបន់ព្រំដែនស្រុកកំរៀងព្រោះនិងងាយធ្វើការដោះដូរក្នុងខណៈពេលក្រុមមេខ្លោងធំៗ ឆ្លងដែនចូលមកលេងកាស៊ីណូ។ ហើយនៅស្រុកកំរៀងនោះមានមេខ្លោងរកស៊ីគ្រឿងញៀនដ៏ ធំកំពុងប្រកបមុខរបរចែកចាយគ្រឿងញៀន ដុះស្នឹមក្បាលទៅហើយគ្មានការ បង្ក្រាបនៅឡើយទេនៅគ្រហើរ ធ្វើសកម្មភាពយ៉ាងអនាធិបតេយ្យនៅតំបន់ព្រំដែនស្រុកកំរៀង សព្វថ្ងៃនេះ។
តាមការឲ្យដឹងពីម្ចាស់ប្រភពបានទម្លាយឲ្យដឹងថា រយៈពេលកន្លងមកបើអស់លោក សមត្ថកិច្ចបង្ក្រាបវិញតែអាតូចតាចកូនដៃ ទិញបន្តពីមេខ្លោងធំនោះតែប៉ុណ្ណោះទេដើម្បី កុំឲ្យ ថ្នាក់លើស្តីបន្ទោស អំពីការងារ និងតួនាទី របស់ខ្លួនតែប៉ុណ្ណោះ។
ក្រៅតែពីការចរាចរគ្រឿងញៀនទ្រង់ទ្រាយធំ ក្នុងទីតាំងកាស៊ីណូស្រុកកំរៀងតំបន់ព្រំដែនរួចមកនៅចំកណ្ដាលបេះដូងខេត្តនៅសង្កាត់ទួលតាឯក ក្រុងបាត់ដំបង អតីតអធិរាជ ក្រុមបងធំប្រចាំភូមិកំពង់ចរាចរចែកចាយធំ នៅក្នុងខេត្ត នៅបន្តការចែកចាយ យ៉ាងគគ្រឹកគគ្រេង មិនថាយប់ឬថ្ងៃទេគេលក់ថ្នាំញៀនដូចលក់ស្ករគ្រាប់អញ្ចឹង។
ជាពិសេសក៏នៅមានសមត្ថកិច្ចជាបុគ្គល មួយក្ដាប់តូចកំពុងយកតួនាទីជាអ្នកបង្ក្រាបផង ជាអ្នកចែកចាយ ថ្នាំញៀនយ៉ាងសកម្មនៅក្នុងខេត្តបាត់ដំបងផងដែរ ហើយអស់លោកសមត្ថកិច្ចនិងបានដឹងនិងបានជ្រាប អំពីសកម្មភាព ចែកចាយថ្នាំញៀន៕
គ្រឿងញៀនចរាចរតាមកាស៊ីណូជាប់ព្រំដែនស្រុកកំរៀងសមត្ថកិច្ចបង្ក្រាបតែអាតូចអត់បង្ក្រាបអាធំ
0 Comments