ស្ទឹងត្រែង ៖ កម្លាំងកងរាជអាវុធហត្ថខេត្តស្ទឹងត្រែងបានចុះទៅធ្វើការបង្ក្រាបបទល្មើស ជួញដូរចែកចាយគ្រឿងញៀនជាក់ស្ដែង ដោយឃាត់ខ្លួនជនសង្ស័យម្នាក់ ជាមួយនឹងគ្រឿងញៀនមេតំហ្វេតាមីនទម្ងន់៥០៣,៥ក្រាម។
ការឃាត់ខ្លួននេះបានធ្វើឡើងកាលពីវេលាម៉ោង១២និង១៥រសៀល ថ្ងៃទី១៧ ខែសីហា ឆ្នាំ២០១៥ នៅចំណុចស្នាក់ការសន្តិសុខ៧៤៧ ភូមិឫទ្ធីសែនជ័យ សង្កាត់សាមគ្គី ក្រុងស្ទឹងត្រែង ខេត្តស្ទឹងត្រែង។
ជនសង្ស័យ ដែលត្រូវឃាត់ខ្លួននោះមានឈ្មោះ ឡែង សៃ ភេទប្រុស អាយុ២៧ឆ្នាំ ជនជាតិឡាវ មុខរបរធ្វើស្រែចម្ការ មានទីលំនៅភូមិប៉ាសង ខេត្តប៉ាសេ។
នៅក្នុងប្រតិបត្តិការនោះ សមត្ថកិច្ចបានដកហូតវត្ថុតាងរួមមានថ្នាំញៀនប្រភេទមេតំហ្វេតាមីន(ice)ចំនួន១កញ្ចប់ធំទម្ងន់សរុបស្មើនឹង៥០៣,៥ក្រាម ទូរស័ព្ទដៃម៉ាកសាមសុង ពណ៌ខ្មៅ ចំនួន២គ្រឿង៕
អាវុធហត្ថខេត្តស្ទឹងត្រែងឃាត់ខ្លួនជនជាតិឡាវម្នាក់ជាមួយថ្នាំញៀនកន្លះគីឡូក្រាម
0 Comments