ស្វាយរៀង ៖ កាលពីព្រឹកថ្ងៃទី១៤ ខែសីហាឆ្នាំ២០១៥នេះវេលាម៉ោង៧០០នាទី កម្លាំងនគរបាលក្រុងស្វាយរៀង ដឹកនាំដោយលោកវរសេនីយ៍ត្រី ហួត វ៉ាន់ថា អធិការរងនគរបាលក្រុងស្វាយរៀង បានចុះចាប់សាច់ក្លាសេនាំចូលខូចគុណភាព ដែលរួមមាន សាច់ក្រួច បេះដូងជ្រូក ស្លាបមាន់ ជើងមាន់ ជង្គង់មាន់ ជាដើមនោះ ប្រមាណជិត៣០០គីឡូក្រាម នៅចំណុចផ្សារវាយយន្ត ក្នុងក្រុងស្វាយរៀង។
បើតាមការបញ្ជាក់ពីមន្ត្រីការិយាល័យផលិតកម្មនិងបសុព្យាបាលបានឲ្យដឹងថា ការដែលចុះពិនិត្យមើលទំនិញខូចគុណភាពទាំងនោះបានបញ្ជាក់ថា ទំនិញសាច់សត្វ ទាំងនោះ មានសាច់ចំនួន ៥០ភាគរយ ជាទំនិញខូចគុណភាពដែលឈ្មួញខិលខូចលួចនាំចូលពីប្រទេសវៀតណាមតាមច្រករបៀងនានានៅតាមព្រំដែនហើយយកស្តុកទុកនៅផ្ទះមួយជិតផ្សារវាលយន្តដើម្បីលក់ចែកចាយទូទាំងខេត្តពេលទទួលបានព័ត៌មានពីសមត្ថកិច្ចសម្ងាត់ឲ្យដឹងថា មានកន្លែងស្តុកសាច់ក្លាសេខូចគុណភាពភ្លាមមន្ត្រីបសុពេទ្យសហការជាមួយសមត្ថកិច្ចនគរបាលក្រុងស្វាយរៀងចុះឆែកឆេរនិងឃាត់បានភ្លាមៗដែរ។
មន្ត្រីបសុពេទ្យបានឲ្យដឹងទៀតថា បច្ចុប្បន្នសាច់ខូចគុណភាពទាំងយកមករក្សាទុកនៅការិយាល័យផលិតកម្មនិងបសុព្យាបាលខេត្តហើយសុំយោបល់លោកព្រះរាជអាជ្ញាអមសាលាដំបូងខេត្តហើយនិងធ្វើការដុតកម្ទេចចោលទាំងអស់ ចំណែកម្ចាស់ផ្ទះនិងឈ្មួញដែលនាំសាច់ខូចគុណភាពចូលយកទៅអប់រំផាកពិន័យទៅតាមផ្លូវច្បាប់៕
សមត្ថកិច្ចចុះបង្ក្រាបទីតាំងក្លាសេសាច់ខូចគុណភាពនៅផ្សារវាលយន្តក្រុងស្វាយរៀង
0 Comments