បាត់ដំបង ៖ កញ្ញាឯកសុជាតាហៅសាសាអតីត ពិធីការនី ទូរទស្សន៍ CTNដែលមានរឿងអាស្រូវមិនចេះចប់មិនចេះហើយ នឹង មានភាពក្រអឺតក្រទម ដាក់អ្នកសារព័ត៌មាន បានបាត់អំនួត អស់លេសភូតកុហកមហាជនទៀតហើយ បន្ទាប់ពីគូកន ឆ្លើយដោះ ដៃ យករួចខ្លួនក្នុងករណីគ្រោះថ្នាក់ចរាចរណ៍នៅខេត្តបាត់ដំបង ដោយអះអាងប្រាប់ តំណាងអយ្យការ ខេត្តថា ខ្លួនមិនមែនជាម្ចាស់ឡាន និងជាអ្នកបើកបររថយន្តទំនើបម៉ាក Porscheនៅក្នុងពេលគ្រោះថ្នាក់នោះទេ គឺកញ្ញាសាសា ម្ចាស់ឡាន។
ប្រភពពីសមត្ថកិច្ចខេត្តបាត់ដំបងបានឲ្យដឹងថា កាលពីថ្ងៃទី១១ សីហាអ្នកពាក់ព័ន្ធដ៏សំខាន់នៅក្នុងសំណុំរឿងគ្រោះថ្នាក់ចរាចរណ៍ របស់កញ្ញា សាសា នៅខាងមុខភោជនីយដ្ឋាន «អាស៊ានបៀរ» កាលពី ថ្ងៃទី២សីហាកន្លងទៅនេះ ដែលបង្ក រថយន្តស៊េរីទំនើបម៉ាក Porsche ពណ៌ស ពាក់ស្លាកលេខភ្នំពេញ 2AD-7888 នៅក្នុងក្រុងបាត់ដំបង ឈ្មោះ ឡូ ប៊ុនរិទ្ធ ហៅតូ និងបុរសម្នាក់ទៀត ឈ្មោះនាង ជាកូនថៅកែដេប៉ូស្រាបៀរ ដ៏ធំមួយ នៅក្រុងបាត់ដំបង បានចូលបំភ្លឺ នៅចំពោះមុខតំណាងអយ្យការអមសាលាដំបូងខេត្ត ជាបន្តបន្ទាប់។
ប្រភពដដែលបញ្ជាក់ថា បុរស២នាក់ដែលជាប់នៅក្នុងសំណុំរឿងកញ្ញាសាសាបានឆ្លើយ ផ្ទុយគ្នាទាំងស្រុងទៅនឹងចម្លើយដែលពួកគេអះអាងដំបូងក្នុងអំឡុងពេលមានគ្រោះថ្នាក់។ ឈ្មោះឡូ ប៊ុនរិទ្ធហៅតូបានឆ្លើយនៅចំពោះមុខតំណាងអយ្យការដោយបដិសេធទាំងស្រុងថា រថយន្តស៊េរីទំនើបម៉ាកPorsche ពណ៌សពាក់ស្លាកលេខភ្នំពេញ2AD-7888 ដែលបង្កគ្រោះថ្នាក់ចរាចរណ៍ កាលពីយប់ថ្ងៃទី២សីហានៅក្នុងក្រុងបាត់ដំបងនោះមិនមែនជារថយន្តរបស់ខ្លួនទេ។
លោកបានបញ្ជាក់ថា រថយន្តទំនើបនោះជារបស់កញ្ញាសាសា ហើយនាងបានទូរស័ព្ទហៅខ្លួនឲ្យទៅជួយអន្តរាគមន៍ពេលនាងជួបគ្រោះថ្នាក់ចរាចរណ៍ដោយសារខ្លួន និងនាងសាសាធ្លាប់ស្គាល់និងរាប់អានគ្នាទើបខ្លួនសុខចិត្តចេញមុខដោះស្រាយជំនួសនាងតាមពិតកញ្ញាសាសាជាអ្នកបើករថយន្តនោះដែលរួមដំណើរជាមួយមិត្តស្រីរបស់នាងម្នាក់ផង។ ដោយរូបគេជាអ្នកដោះស្លាកលេខរថយន្តចេញភ្លាមៗដែរដើម្បីកុំឲ្យគេស្គាល់។
ចំណែកបុរសម្នាក់ទៀតឈ្មោះនាងក៏បាន ថារថយន្តទំនើបនោះជារបស់កញ្ញាសាសាមែនហើយខ្លួនក៏បានចូលរួមផឹកស៊ីជាមួយកញ្ញាសាសានៅក្នុងអាហារដ្ឋាន«តោពីរ» ដែរតែពេលចេញពីហាងផឹកស៊ីខ្លួនមិនដឹងថា សាសាជាអ្នកបើកឬអត់នោះទេ។ ឆ្លងតាមចម្លើយ បុរសឈ្មោះឡូ ប៊ុនរិទ្ធហៅតូនិងឈ្មោះនាង សបញ្ជាក់ឲ្យឃើញថា កញ្ញាសាសាពិតជាអ្នកបើករថយន្តស៊េរីទំនើបម៉ាក Porsche ពណ៌ស ពាក់ស្លាកលេខភ្នំពេញ 2AD-7888 បុករ៉ឺម៉កដឹកទឹកកកកាលពីថ្ងៃទី២សីហាពិតប្រាកដមែន។ដូច្នេះមិនយូរមិនឆាប់ទេ កញ្ញាសាសា ដែលធ្លាប់មានរឿងអាស្រូវច្រើន និងភាព ក្រអើតក្រទមអាចនិងអស់ លក្ខណ័ ដោយខ្លួនឯង។
សូមរំលឹកថា កាលពី ថ្ងៃទី២សីហារថយន្តស៊េរីទំនើបម៉ាក Porsche ពណ៌ស ពាក់ស្លាកលេខភ្នំពេញ 2AD-7888បើកបរដោយកញ្ញាសាលា និងមិត្តភក្ដិស្រីម្នាក់ទៀតចេញពីកន្លែងផឹកស៊ី បានបើកបុករឺម៉កដឹកទឹកពេញទំហឹងនៅមុខនៅខាងមុខភោជនីយដ្ឋាន «អាស៊ានបៀរ»ក្រុងបាត់ដំបង។ប៉ុន្តែក្រោយពីកើតហេតុ កញ្ញាឯកសុជាតាហៅសាសាបានសរសេរបដិសេធមិនដាច់មាត់ជាបន្តបន្ទាប់នៅក្នុងបណ្ដាញសង្គមរបស់នាងថា ករណីគ្រោះថ្នាក់ចរាចរណ៍នៅរាត្រីថ្ងៃទី២សីហាក្នុងក្រុងបាត់ដំបងនោះមិនជាប់ពាក់ព័ន្ធនឹងនាងទេគឺនាងនៅឯប្រទេសថៃឯណោះ។ ហើយរថយន្តម៉ាកPorsche ដ៏ទំនើបដែលបង្កគ្រោះថ្នាក់នោះក៏មិនមែនជារថយន្តរបស់នាងដែរវាជារថយន្តរបស់មិត្តនាងនៅខេត្តបាត់ដំបង។មិនតែប៉ុណ្ណោះនាងបានចេញប្រតិកម្ម បែបក្រអើតក្រទម ដាក់ អ្នកកាសែតដាក់កាសែតកម្ពុជា ថ្មី ផ្សាយព័ត៌មានមិនពិត ដោយនាង និយាយទៀតថា អស់លោកអ្នកសារព័ត៌មានកំពុងតែធ្វើឲ្យខ្ញុំកាន់តែល្បីហើយនៅពេលខ្ញុំទៅដល់ភ្នំពេញខ្ញុំនឹងជិះរថយន្តដ៏ទំនើបរបស់ខ្ញុំទៅសួរសុខទុក្ខអ្នកសារព័ត៌មានដល់ទីស្នាក់ការកាសែតកម្ពុជា ថ្មី តែម្ដង ប៉ុន្តែរហូតមកដល់ពេលនេះការិយាល័យកាសែតកម្ពុជាថ្មីបានបើកទ្វាចំហ រង់ចាំ ប៉ុន្តែ មិនទាន់ឃើញមុខកញ្ញាសាសា មមក សួរសុខទុកនៅឡើយទេ។
ប្រភពដដែលបញ្ជាក់ថា បើទោះបីជាសមត្ថកិច្ចបានឆែកកាមេរ៉ាសុវត្ថិភាពឃើញ មុខកញ្ញាសាសានៅក្នុងក្លឹបកំសាន្តយ៉ាងច្បាស់យ៉ាងណាក៏ដោយ ក៏នាងព្យាយាមឆ្លើយបដិសេធតាំងពីដំបូងទីរហូតមកនេះ ហើយបន្ទាប់មកនៅនៅថ្ងៃទី១២ ខែសីហា នាងបានសរសេរក្នុងបណ្ដាញសង្គមរបស់នាងចង់បង្អើលគេឯងថា«បើសិនខ្ញុំជាមនុស្សអាក្រក់សាង តែអំពើបាបមិនដែលធ្វើអំពើល្អសូមឲ្យទេវតាយកជីវិតខ្ញុំក្នុងឆ្នាំនេះចុះមិនចាំបាច់ឲ្យខ្ញុំមានជីវិតដល់ឆ្នាំក្រោយទេ»។ ប៉ុន្តែគិតមកដល់ពេលនេះអ្វីៗត្រូវបានលាតត្រដាងស្ទើរទាំងស្រុងទៅហើយ ខណៈដែលគូកនរបស់នាង ពីរូបបានឆ្លើយបានឆ្លើយយករួចខ្លួនគឺ«សក់អ្នកណាក្បាលអ្នកហ្នឹង»។ កម្ពុជាថ្មីមិនអាចសុំការបំភ្លឺពីកញ្ញា សាសាបានទេ ប៉ុន្តែកាសែតកម្ពុជាថ្មីរង់ចាំស្វាគមន៍ពីកញ្ញាមកបំភ្លឺជុំវិញករណីខាងលើ។
មាហាជននៅរង់ចាំមើលថា តើ ភាពក្រអើតក្រទម របស់កញ្ញាសាសា និងអស់លក្ខណ៍ ហើយពេលណានាង ទទួលស្គាល់ការពិត នៅទង្វើរបស់ខ្លួន។ កញ្ញាឯកសុជាតាហៅសាសាអតីត ពិធីការនី ទូរទស្សន៍ CTNដែលមានរឿងអាស្រូវមិនចេះចប់មិនចេះហើយ បានបាត់មុខមួយរយះក្រោយ ប៉ុន្តែបានល្បីឈ្មោះវិញក្រោយពីលោក ឧកញ៉ា សុខ ប៊ុន វាយទាត់ធាក់នាង យ៉ាង សាហាវឃោរឃៅ ៕
កញ្ញា សាសា បាក់អំនួតក្រោយពី គូកនឆ្លើយយករួចខ្លួន
0 Comments