ភ្នំពេញ ៖ ក្រុមហ៊ុនMGA Insurance Brokerដែលជាក្រុមហ៊ុនជើងសារធានារ៉ាប់រងលំដាប់ថ្នាក់កំពូល ទាំង១០នៅប្រទេសអូស្ត្រាលីបានមកជួបជុំគ្នានៅសណ្ឋាគារឡឺរ៉ូយ៉ាលរាជធានីភ្នំពេញដើម្បីរៀបចំសន្នីសិទប្រចាំឆ្នាំ២០១៥រយៈពេលពីរថ្ងៃគឺថ្ងៃទី១៧និង១៨ខែសីហាឆ្នាំ២០១៥ដើម្បីពិភាក្សាគ្នាពីប្រតិបត្តិការពាក់ព័ន្ធទៅនឹងវិស័យធានារ៉ាប់រងនិងការពង្រឹងភាពជាដៃគូយុទ្ធសាស្ត្រ។
សន្និសីទប្រចាំឆ្នាំ២០១៥នេះបានប្រព្រឹត្តទៅដោយមានការចូលរួមពីលោកJohn Gorgeអគ្គនាយកសម្ព័ន្ធក្រុមហ៊ុនMGAលោកមាសសុផាតអគ្គនាយកនៃក្រុមហ៊ុនMGAប្រចាំនៅប្រទេសកម្ពុជានិងគណៈប្រតិភូជាង១០០នាក់មកពីគ្រប់សាខាក្រុមហ៊ុនMGAទាំងទាំង៣០ប្រចាំប្រទេសអូស្ត្រាលីនិងក្រុមហ៊ុនដែលជាដៃគូរបស់MGAជាច្រើនទៀត។
លោកមាសសុផាតអគ្គនាយកនៃក្រុមហ៊ុនMGAប្រចាំនៅប្រទេសកម្ពុជាបានមានប្រសាសន៍ថាគោលបំណងនៃសន្និសីទប្រចាំឆ្នាំ២០១៥នេះប្រារព្ធធ្វើឡើងដើម្បីឲ្យមានការជួបជុំគ្នារវាងថ្នាក់ដឹកនាំរបស់ក្រុមហ៊ុនMGAនិងក្រុមហ៊ុនជាដៃគូយុទ្ធសាស្ត្រអូស្ត្រាលីដើម្បីធ្វើការពិភាក្សាគ្នាអំពីប្រតិប្រតិបត្តិការពាក់ព័ន្ធទៅនឹងវិស័យធានារ៉ាប់រងនិងការពង្រឹងភាពជាដៃគូយុទ្ធសាស្ត្រ។
លោកមាសសុផាតបានរំលឹកថា ក្រុមហ៊ុនMGAបានបើកសម្ពោធជាផ្លូវការនូវការិយាល័យតំណាងនៅប្រទេសកម្ពុជាកាលពីខែសីហាឆ្នាំ២០១៤ដើម្បីផ្តល់សេវាកម្មប្រឹក្សាយោបល់លើគំរោងធានារ៉ាប់រងការគ្រប់គ្រងហានិភ័យការគ្រប់គ្រងសំណងនិងសេវាកម្មពាក់ព័ន្ធក្នុងវិស័យធានារ៉ាប់រងដោយទទួលបានការគាំទ្រពីបណ្តាសំណាក់អតិថិជនដែលរួមមានរោងចក្រសហគ្រាសក្រុមហ៊ុននិងស្ថាប័ន អង្គការជាតិនិងអន្តរជាតិជាច្រើន។
បើយោងតាមសេចក្តីប្រកាសព័ត៌មានបានបង្ហាញឲ្យដឹងថា របៀបវារៈនិងខ្លឹមសារសំខាន់ៗនៅក្នុងសន្និសីទសំរាប់ថ្ងៃទី១៧សីហាគឺផ្តោតសំខាន់លើការពិភាក្សារវាងគណគ្រប់គ្រងក្រុមហ៊ុនMGAនិងគណប្រតិភូតំណាងឲ្យក្រុមហ៊ុនអន្តរជាតិជាដៃគូរយុទ្ធសាស្ត្ររបស់ក្រុមហ៊ុនMGAទៅលើវិស័យធានារ៉ាប់រងការអភិវឌ្ឍន៍ផ្នែកព័ត៌មានវិទ្យាការហ្វឹកហាត់និងការអនុវត្តការងារការធ្វើទីផ្សារនិងប្រតិបត្តិការការអភិវឌ្ឍន៍នូវចំណេះដឹងទីផ្សារនិងការចែកចាយការផ្តល់នូវការការពារហានិភ័យចំពោះកំណើនសេដ្ឋកិច្ចអាស៊ីការទទួលអត្ថប្រយោជន៍ពីភាពជាដៃគូនៅក្នុងតំបន់ទស្សនវិស័យរបស់សម្ព័ន្ធក្រុមហ៊ុនMGAនិងទិសដៅអនាគត៕
ក្រុមហ៊ុនជើងសារធានារ៉ាប់រងអូស្ត្រាលីមកពង្រឹងវិស័យធានារ៉ាប់រងនៅកម្ពុជា
0 Comments