មនុស្សផងទាំងឡាយ ជាមួយនឹងករណីកើតអសន្ដិសុខចំណីអាហារ ហើយដែលតតាំងទៅនឹងប្រភេទអាហារទាំងនេះនៅលើតុអាហារនោះ បែរត្រូវចំណាយប្រាក់ទៅលើការថែទាំសុខភាពកាន់តែច្រើនឡើង គឺលើសទ្វេដង បើប្រៀបធៀបទៅនឹងក្រុមមនុស្សដែលអាស្រ័យទៅដោយអាហារបរិភោគប្រកបដោយសន្ដិសុខសុវត្ថិភាពនោះ នេះបើយោងតាមការសិក្សាស្រាវជ្រាវថ្មីមួយនៅប្រទេសកាណាដា។
មនុស្សផងទាំងឡាយដែលទទួលរងដោយសារករណីអសន្ដិសុខស្បៀងអាហារនោះ ក៏អាស្រ័យដោយសារតែមានចំណូលទាប នាំឲ្យមនុស្សទាំងនោះមានសុខភាពផ្លូវចិត្ដ និងផ្លូវកាយក៏ទាបផងទៅទៀត។ នេះជាការលើកឡើងដោយលោកស្រី Valerie Tarasuk នៃមហាវិទ្យាល័យ University of Toronto ដែលដឹកនាំការស្រាវជ្រាវនោះ។
បើតាមការលើកឡើងរបស់លោកស្រីនោះថា អាហារបរិភោគមានតិចតួច ឬក៏អាហារដែលមានគុណភាពទាប អាចជះឥទ្ធិពលដល់ស្ថានភាពនៃសុខភាព ហើយក៏ចាំបាច់ត្រូវតែទទួលការថែទាំសុខភាពឲ្យបានកាន់តែច្រើន។ ប៉ុន្ដែបើទោះជាយ៉ាងណាក្ដី វាមិនមែនតែត្រឹមប៉ុណ្ណឹងទេ ដោយសារតែមានកត្ដាជាច្រើនផ្សេងទៀតគួបផ្សំថែមផង។
មនុស្សផងទាំងឡាយណាដែលបរិភោគអាហារដោយខ្វះសន្ដិសុខ ហើយដែលបង្កឲ្យកើតទៅជាជំងឺទឹកនោមផ្អែម ហើយនឹងត្រូវតស៊ូក្នុងការគ្រប់គ្រងដល់ជំងឺទឹកនោមផ្អែមរបស់ខ្លួន ហើយនេះអាចជារឿងពិតសម្រាប់មនុស្សទាំងឡាយនោះដែលរស់នៅជាមួយនឹងអាការៈជំងឺរាំុរ៉ៃផ្សេងទៀត។ នេះជាការលើកឡើងដោយលោកស្រី Tarasuk។
ដោយឡែកលោក Graham Riches នៃមហាវិទ្យាល័យ School of Social Work នៃសាកលវិទ្យាល័យ University of British Columbia នៅក្រុង Vancouver បានថ្លែងថា អសន្ដិសុខនៃចំណីអាហារ គឺមានជារួមយ៉ាងប្រាកដនៅសហរដ្ឋអាមេរិក លើសពីនៅប្រទេសកាណាដា។ លោក Riches បាននិយាយដូច្នេះ បើទោះជាលោកមិនស្ថិតនៅក្នុងការរួមចំណែកនៃការសិក្សាស្រាវជ្រាវខាងលើនេះក្ដី។
លោក Riches បាននិយាយប្រាប់ Reuters Health តាមអីុមែលថា នៅឆ្នាំ២០១១ មានជនជាតិអាមេរិកាំងម្នាក់ក្នុងចំណោម៦នាក់ រស់នៅក្នុងការបរិភោគអាហារនៅក្នុងផ្ទះដែលជាប្រភេទអាហារខ្វះសន្ដិសុខ (មិនមានជីវជាតិ, សារធាតុបំប៉នបរិបូណ៌) បើប្រៀបធៀបទៅនឹងម្នាក់ក្នុងចំណោម៨នាក់នៃករណីដូចគ្នានេះក្នុងប្រទេសកាណាដា៕
Reuters
អសន្ដិសុខចំណីអាហារ និងតម្លៃថែទាំសុខភាពដ៏ខ្ពស់ ទៅទន្ទឹមគ្នាតែម្ដង
0 Comments