ជំនួបប្រជុំដែលបានប្រព្រឹត្ដទៅកាលពីថ្ងៃចន្ទកន្លងមកនេះ ក៏មានការចូលរួមផងដែរ ដោយតំណាងខាងរដ្ឋាភិបាលអាមេរិក និងកងទ័ពក្រុមអ្នកស្រាវជ្រាវវិទ្យាសាស្ដ្រ និងអង្គការមូលនិធិអន្ដរជាតិ ដោយផ្ដោតជាសំខាន់ទៅលើក្ដីបារម្ភ ដោយសារតែការរីករាលដាលនៃករណីរ៉េសីុស្ដង់ឱសថប្រឆាំងនឹងជំងឺ ដែលបង្កឡើងដោយសត្វមូស នៅប្រទេសមីយ៉ាន់ម៉ា ព្រមទាំងបណ្ដាប្រទេសដទៃទៀតនៅតំបន់អាស៊ីអាគ្នេយ៍។
ប្រសិនបើករណីរ៉េសីុស្ដង់ នៅតែកើតមាន វាជាការគំរាមកំហែងដល់ប្រសិទ្ធភាពនៃឱសថដែលប្រើប្រាស់សម្រាប់ប្រយុទ្ធប្រឆាំងនឹងជំងឺគ្រុនចាញ់ គឺឱសថ artemisinin។ ការព្យាបាលដោយ artemisinin ធ្លាប់បានជួយកាត់បន្ថយការបាត់បង់ជីវិតដោយជំងឺគ្រុនចាញ់ជាសកលបានដល់ទៅ១ភាគ៤ នៅក្នុងទសវត្សរ៍កន្លងទៅនេះ។ ទោះជាយ៉ាងនេះក្ដី ក៏ជំងឺគ្រុនចាញ់នៅតែសម្លាប់មនុស្សអស់ប្រមាណ៦០០,០០០នាក់ ជាប្រចាំឆ្នាំផងដែរ។
ការសិក្សាស្រាវជ្រាវត្រូវបានចុះផ្សាយនៅក្នុងព្រឹត្ដិបត្រ Lancet Infectious Journal នៅខែកុម្ភៈ ដោយផ្អែកទៅលើសំណាកឈាម “blood samples” បានមកពីមនុស្សចំនួន៩៤០នាក់ ដែលកើតគ្រុនចាញ់មកពី៥៥តំបន់នៅទូទាំងប្រទេសមីយ៉ាន់ម៉ា បានបង្ហាញឲ្យឃើញថា ករណីកើតរ៉េសីុស្ដង់ វាបានកើតឡើងនៅទូទាំងប្រទេសមីយ៉ាន់ម៉ា នោះតែម្ដង រួមទាំងតំបន់ព្រំដែនជាប់នឹងតំបន់ភាគខាងលិចនៃប្រទេសឥណ្ឌា ដែលមានប្រជាពលរដ្ឋរស់នៅយ៉ាងច្រើនទៀតផង។
យោងតាមការលើកឡើងដោយអង្គការ WHO ករណីរ៉េសីុស្ដង់ថ្នាំនេះក៏ធ្លាប់ត្រូវបានរកឃើញនៅក្នុងប្រទេសកម្ពុជា ឡាវ ថៃ និងវៀតណាមផងដែរ។
ដោយឡែកមីយ៉ាន់ម៉ា រងករណីស្លាប់ដោយសារគ្រុនចាញ់នេះយ៉ាងខ្ពស់បំផុត នៅតំបន់ទន្លេមេគង្គ។ ចំណុចដែលរងការចម្លងយ៉ាងធ្ងន់បំផុត គឺនៅតំបន់ដែលមានជនជាតិភាគតិចរស់នៅ ហើយដែលធ្វើការប្រឆាំងនឹងរដ្ឋាភិបាលអស់ពេលយ៉ាងយូរមកហើយ និងទីកន្លែងដទៃផ្សេងទៀតដែលមនុស្សភាគច្រើននៅតែធ្វើបម្លាស់ទីកន្លែងរស់នៅ ដោយសារជម្លោះជាមួយនឹងមានសេវាសុខាភិបាលសាធារណៈដ៏តិចតួចនោះ៕
AP
ក្រុមភាគីនយោបាយមីយ៉ាន់ម៉ា រកឃើញពីបុព្វហេតុរួម ក្នុងការប្រយុទ្ធប្រឆាំងនឹងជំងឺគ្រុនចាញ់
0 Comments