ឯកឧត្តម បាន គីមូន មានប្រសាសន៍ថា ខណៈដែលយើងមិនអាចរក ឃើញផែនទីទាំងឡាយដូចបានរៀបរាប់ក្នុងលិខិតរបស់ឯកឧត្តម យើងបានរកឃើញផែនទីមួយចំនួនពីក្នុងកន្លែងផ្ទុកឯកសាររបស់បណ្ណាល័យ ដាក ហាម៉ាស្កូ ហ្សូលរបស់អង្គការសហប្រជាជាតិ (United National Dag Hammarskold Library) ទាំងក្នុងប្រព័ន្ធអេឡិចត្រូនិក និងច្បាប់ចម្លងបោះពុម្ពរួច ដែលអាចមាន
ប្រយោជន៍ចំពោះរដ្ឋាភិបាលឯកឧត្តម។ ជាគោលការណ៍ United National Dag Hammarskold Library មិនអនុញ្ញាតឲ្យខ្ចីផែនទី ដែលស្ថិតក្រោមការថែរក្សា របស់ខ្លួននោះទេ។ ប៉ុន្តែបន្ទាប់ពីការពិគ្រោះយោបល់ជាមួយស្ថានតំណាង អចិន្ត្រៃយ៍នៃព្រះរាជាណាចក្រកម្ពុជានៅថ្ងៃទី២៥ខែកក្កដា ឆ្នាំ២០១៥គឺមានការ ព្រមព្រៀងថា ដោយឈរករណីលើកលែង បណ្ណាល័យអាចឲ្យខ្ចីផែនទីដូចបាន ពណ៌នាខាងលើនេះដល់រដ្ឋាភិបាលរបស់ឯកឧត្តម សម្រាប់រយៈពេលមានកំណត់មួយ ដោយផ្អែកលើលក្ខខណ្ឌ និងការយោគយល់នានា ដែលនឹងមានចែង ក្នុងលិខិតផ្លាស់ប្តូរគ្នារវាងអង្គការសហប្រជាជាតិ និងរដ្ឋាភិបាលឯកឧត្តម។ បញ្ហាផែនទី ដែលប្រើប្រាស់ដោយរាជរដ្ឋាភិបាលកម្ពុជាបច្ចុប្បន្ន បាននឹងកំពុងក្លាយទៅជាចំណុចដ៏រសើបបំផុត នៅពេលដែលគណបក្សសង្គ្រោះជាតិ បានព្យាយាមដុតរោលសភាពការណ៍ព្រំដែន ជាមួយប្រទេសជិតខាងប៉ែកខាង កើតតាមរយៈរាជរដ្ឋាភិបាលបានធ្វើឲ្យបាត់បង់ទឹកដី រាជរដ្ឋាភិបាលប្រើប្រាស់ ផែនទីក្លែងក្លាយជាដើម។
កាន់តែសំខាន់ជាងនេះទៀត ស្របពេលដែលប្រមុខ រាជរដ្ឋាភិបាល បាននឹងកំពុងតែស្វះស្វែងរកភស្តុតាងពិតប្រាកដដើម្បីមក បង្ហាញឲ្យសាធារណមតិជាតិនិងអន្តរជាតិឲ្យបានឃើញច្បាស់ តាមរយៈការស្នើ សុំខ្ចីផែនទីពីអង្គការសហប្រជាជាតិនិងមហាអំណាចដទៃទៀត មានបារាំង អាមេរិក និងអង់គ្លេសនោះ លោក សម រង្ស៊ីប្រធានគណបក្សសង្គ្រោះជាតិបែរ ជាលេងល្ខោននយោបាយដ៏មិនគួរឲ្យជឿតាមរយៈការបង្ហាញផែនទីនៅក្នុង facebook ផ្ទាល់ខ្លួន ដែលលោកបានអះអាងថា ទិញនៅក្នុងផ្សារប្រទេសបារាំង ដែលមានតម្លៃត្រឹមតែ១៦៨ដុល្លារតែប៉ុណ្ណោះ។
ជាការពិត សម្រាប់លោកប្រ ធានគណបក្សសង្គ្រោះជាតិឆាកល្ខោននយោបាយ ដែលខ្លួនបានសម្តែងនោះ បានទទួលត្រឹមតែភាពអាម៉ាស់តែប៉ុណ្ណោះ ព្រោះថា នៅពេលដែលរដ្ឋាភិបាល បារាំង ដែលជាអ្នកផលិតផែនទីរបស់ប្រទេសមួយ ដែលខ្លួនធ្លាប់ធ្វើអាណានិគម ជិត១០០ឆ្នាំមិនទាន់ទាំងប្រកាសអំពីវត្តមានរបស់ផែនទីផង បែរជាលោក សម រង្ស៊ី បានបង្ហាញនូវផែនទីដែលខ្លួនទិញនៅក្នុងផ្សារប្រទេសបារាំង ដែលមាន តម្លៃត្រឹមតែ១៦៨ដុល្លារប៉ុណ្ណោះ។
សម្រាប់អង្គការសហប្រជាជាតិ ការប្រកាសអំពីការប្រគល់ផែនទីមួយចំនួនពីក្នុងកន្លែងផ្ទុកឯកសាររបស់បណ្ណាល័យ ដាក ហាម៉ាស្កូហ្សូល របស់អង្គការ សហប្រជាជាតិ ដែលជាគោលការណ៍បណ្ណាល័យ ដាក ហាម៉ាស្កូហ្សូល មិនអនុញ្ញាតឲ្យខ្ចីផែនទី ដែលស្ថិតក្រោមការថែរក្សារបស់ខ្លួននោះ គឺជាកាយវិការ ប្រកបដោយភាពវិជ្ជមានមិនមែនសម្រាប់តែរាជរដ្ឋាភិបាលកម្ពុជាប៉ុណ្ណោះទេ ប៉ុន្តែសម្រាប់ប្រជាជន និងប្រទេសកម្ពុជាទាំងមូលផងដែរ។
វាដូចដែលប្រសាសន៍របស់សម្តេច ហ៊ុន សែន បានលើកឡើងថា កាយវិការដ៏ថ្លៃថ្លានេះ ពិតជាចូលរួមវិភាគទានដ៏សំខាន់ដល់កិច្ចខិតខំប្រឹងប្រែងរបស់រាជរដ្ឋាភិបាល ក្នុងការបញ្ចៀស និងបញ្ចប់នូវការញុះញង់បង្កើតស្មារតីជាតិ និយមជ្រុល ហើយធ្វើឲ្យមានការភ័ន្តច្រឡំនៅក្នុងចំណោមសាធារណមតិជាតិ និងអន្តរជាតិ ដើម្បីកេង ចំណេញខាងនយោបាយដោយមជ្ឈដ្ឋានមួយចំនួននៅក្នុងប្រទេសកម្ពុជា និង ដល់ការប្តេជ្ញាអនុវត្តន៍គោលនយោបាយរបស់រាជរដ្ឋាភិបាលកម្ពុជា សំដៅ កសាងខ្សែបន្ទាត់ព្រំដែនមួយច្បាស់លាស់ មិត្តភាព សន្តិភាព សហប្រតិបត្តិការនិងការអភិវឌ្ឍន៍នោះឯង៕
ទស្សនៈ កម្ពុជាសូមថ្លែងអំណរគុណចំពោះកាយវិការអង្គការសហប្រជាជាតិ
0 Comments