តារាងចំណាត់ថ្នាក់មានការប្រែប្រួលតិចតួចដោយសារកាលពីខែកក្កដា កន្លងទៅក្រុមជម្រើសជាតិកម្ពុជា មិនមានសកម្មភាពប្រកួតលើឆាកអន្តរជាតិ ប៉ុន្ដែនៅខែកញ្ញា ខាងមុខទំនងនឹងមានការប្រែប្រួលខ្លាំងព្រោះកម្ពុជា ត្រូវប្រកួតមិត្តភាពអន្តរជាតិ មួយចំនួនក៏ដោយជាប្រកួតជម្រុះពានរង្វាន់ពិភពលោក 2018 FIFA World Cup Russia ជុំទី១ ប្រចាំពូល E ជើងទី១ ប្រចាំទ្វីបអាស៊ី។
យោងតាមវេបសាយ fifa.com បានចេញលទ្ធផលតារាងចំណាត់ថ្នាក់នេះនៅល្ងាចថ្ងៃ ព្រហស្បតិ៍ ទី ៦ ខែ សីហា ម្សិលមិញ។ សរុបចំណាត់ថ្នាក់ប្រទេសសមាជិកប្រទេសតំបន់អាស៊ាន មាន ហ្វីលីពីន លេខ ១២៥, ថៃ លេខ ១៣៩, វៀតណាម លេខ ១៥៣, សិង្ហបុរី លេខ ១៥៥, មីយ៉ាន់ម៉ា លេខ១៦២, ទីម័រខាងកើត លេខ ១៦៣, ឥណ្ឌូណេស៊ី លេខ១៦៥, ម៉ាឡេស៊ីលេខ ១៦៨, ឡាវលេខ ១៧៧, កម្ពុជាលេខ ១៨០ និង ប្រ៊ុយណេ លេខ ១៨។
បើរាល់តារាងចំណាត់ថ្នាក់ក្រុមល្អទាំង ១០ ប្រចាំទ្វីបអាស៊ី មាន អ៊ីរ៉ង ឈរលេខ ៤១,កូរ៉េខាងត្បូង លេខ ៥៤, ជប៉ុន លេខ ៥៦, អូស្ត្រាលី លេខ ៦១, អារ៉ាប់រួម លេខ ៧០, អ៊ូបែគីស្ថាន លេខ ៧៦, ចិន លេខ ៧៦, អ៊ីរ៉ាក់ លេខ ៨៥, ហ្សក់ដានី លេខ ៩២ និង អារ៉ាប់ប៊ីសាអូឌីត លេខ ៩៣ ពិភពលោក។
សម្រាប់ចំណាត់ថ្នាក់ក្រុមខ្លាំងជាងគេប្រចាំពិភពលោកក្នុងខែ សីហា នេះមាន អាហ្សង់ទីន ឈរលេខ១ តាមពីក្រោយដោយបែលហ្សិក លេខ២ ហើយអាល្លឺម៉ង់ ឈរលេខ៣ កូឡុំប៊ី លេខ៤ ប្រេស៊ីល លេខ៥ ព័រទុហ្គាល់ លេខ៦ រ៉ូម៉ានី លេខ៧ អង់គ្លេសលេខ ៨ វ៉ែល លេខ ៩ និង ឈីលី ជាប់លេខ១០៕
ជម្រើសជាតិកម្ពុជា ជាប់ចំណាត់ថ្នាក់១៨០ ក្នុងបញ្ជី FIFA ប្រចាំខែសីហានេះ
0 Comments