តាមទ្រង់ទ្រាយដើមទាំងស្រុង ដែលចុះផ្សាយតាមអនឡាញកាលពីខែវិច្ឆិកាមកនោះ សហប្រជាជាតិទទួលយកបានថា ជាការថតចម្លងកាលពីខែមេសា ប៉ុន្ដែត្រូវបានគេពិចារណាព្រោះតែមានការស្ទាក់ស្ទើរខ្លាចក្រែងវាមិនមែនជាប្រភពពិតជាយថាប្រភេទ។ ឥឡូវនេះ លោកស្រី Zainab Bangura ដែលជាតំណាងពិសេសរបស់សហប្រជាជាតិនៃអគ្គលេខាធិការទទួលបន្ទុកផ្នែកអំពើហិង្សាផ្លូវភេទនៅក្នុងតំបន់ជម្លោះបាននិយាយថា បញ្ជីមឺនុយសិច (ការរួមភេទ) ជាជម្រើស គឺជាការពិតមែនហើយ។
មនុស្សស្រី ជាពិសេសក្មេងស្រី គេដាក់តម្រៀបគ្នាដូចជាធុងសាំង នេះជាការលើកឡើងដោយលោកស្រី Bangura ប្រាប់ Bloomberg។ ក្មេងស្រីម្នាក់អាចត្រូវបានគេលក់ ឬទិញ ដោយមនុស្សប្រុសពី៥ទៅ៦នាក់។ ពេលខ្លះក្រុមអ្នកប្រយុទ្ធ IS ទាំងនោះ យកក្មេងស្រីទៅលក់ឲ្យក្រុមគ្រួសាររបស់នាងវិញ ថ្នូរនឹងការលោះជាប្រាក់ដល់ទៅវាល់ពាន់ដុល្លារថែមទៀត។
តម្លៃនៃការរួមភេទគឺសាមញ្ញនោះគឺមនុស្សស្រីដែលអាយុកាន់តែច្រើន គឺតម្លៃកាន់តែថោក។ តម្លៃទាំងអស់នោះត្រូវទូទាត់ជាប្រាក់អ៊ីរ៉ាក់ឌីណា (Iraqi Dinars) ប៉ុន្ដែធៀបនឹងប្រាក់ដុល្លារអាមេរិក បង្ហាញឲ្យឃើញថា ក្រុមអ្នកប្រយុទ្ធរ៉ាឌីកាល់អាចទទួលបានក្មេងស្រីអាយុពី១ទៅដល់៩ឆ្នាំ តម្លៃប្រមាណ១៦៥ដុល្លារ តម្លៃចំពោះក្មេងស្រីវ័យជំទង់១២៤ដុល្លារ ហើយតម្លៃនោះក៏កាន់តែទាបទៅចំពោះស្ដ្រីដែលមានអាយុលើសពី២០ឆ្នាំ។ ដោយឡែកស្ដ្រីអាយុលើសពី៤០ឆ្នាំឡើងទៅ តម្លៃខ្លួនគឺអាចទាបជាង៤១ដុល្លារ។
ការលក់-ទិញ គឺផ្អែកទៅលើឋានានុក្រមនិងតាមលទ្ធភាពថា តើអ្នកអាចហ៊ានទិញដែរ ឬទេ? មេបញ្ជាការរបស់ IS ត្រូវបានគេផ្ដល់ឲ្យនូវជម្រើសជាអាទិភាពទៅលើស្ដ្រីរងគ្រោះទាំងឡាយនោះ។ បន្ទាប់ពីនោះគឺក្រុមបុរសស៊ីវិលបរទេសដែលស្វែងរកការសប្បាយផ្លូវភេទដ៏អាក្រក់ ដែលមកពីតំបន់ផ្សេង ត្រូវបានគេអនុញ្ញាតឲ្យទិញយកស្រីបម្រើផ្លូវភេទក្នុងតម្លៃដល់ទៅវាល់ពាន់ដុល្លារ។ នេះជាការលើកឡើងដោយលោកស្រី Bangura។ សល់ពីការជ្រើសរើសយកអស់ទៅនោះ សេសសល់ប៉ុន្មាន ទើបគេចាត់ចែងឲ្យដល់ក្រុមអ្នកប្រយុទ្ធ IS ទៅតាមតម្លៃដែលមានរាយនៅក្នុងបញ្ជីសម្រាប់ការបម្រើទាសករភេទ។
ការទទួលបានព័ត៌មានអំពីការជួញដូរផ្លូវភេទនៅក្នុងទឹកដីដែលគ្រប់គ្រងកាន់កាប់ដោយក្រុម IS នោះ គឺជារឿងដែលពិបាកបំផុត ដែលនេះជាការជឿយ៉ាងដូច្នេះដោយលោកស្រី Bangura។
លោកស្រីនិយាយថា គេមានយន្ដការមួយ គេមានកម្មវិធីមួយ គេមានក្បួនខ្នាតមួយ ថាតើអ្នកចាត់ទុកស្ដ្រីទាំងនេះយ៉ាងដូចម្ដេច? គេមានការិយាល័យរៀបអាពាហ៍ពិពាហ៍ ដែលត្រូវរៀបចំបែបបទនៃការរៀបការគ្រប់យ៉ាង ព្រមទាំងដាក់លក់ស្ដ្រីទៀតផង។ គេមានទាំងបញ្ជីតម្លៃភ្ជាប់ជាមួយស្រាប់។
ពួកនេះមិនមែនជាក្រុមធម្មតានោះទេ។ ស្ដ្រីអ៊ីរ៉ាក់ ដល់ទៅរាប់ពាន់នាក់រួចមកហើយ ដែលរងការចាប់បង្ខំឲ្យធ្វើជាទាសករភេទ ដោយមានទាំងស្ដ្រីមានប្ដី និងក្មេងស្រីប្រមាណ៣,០០០នាក់ ត្រូវចាប់យកមកពីក្រុមកុលសម្ព័ន្ធ Yazidi ក្នុងប្រទេសអ៊ីរ៉ាក់ នៅពេលមានការវាយលុកពីក្រុមសកម្មប្រយុទ្ធឆ្លងកាត់តំបន់នោះ។ ក្រុម IS បានទាំងរៀបចំឲ្យមានការតាមចាប់ និងដាក់ឲ្យស្ថិតនៅក្រោមរូបភាពទាសភាព ចំពោះជនជាតិភាគតិចផ្សេងដទៃទៀតនៅក្នុងទឹកដីដែលពួកគេគ្រប់គ្រងនោះ។
កាលពីដំណាច់ឆ្នាំទៅ ក្រុម IS បានចេញ ផ្សាយនូវខិត្ដប័ណ្ណខ្លីៗស្ដីពីការគ្រប់គ្រងទៅលើទាសករដែលជាក្រុមស្ដ្រី ព្រមទាំងក្មេងស្រី។
ក្រុមជីហាដនោះបានលើកយកមកធ្វើជាសំអាងថា ការចាប់ខ្លួនស្ដ្រីទាំងឡាយ ក៏ព្រោះ តែស្ដ្រីទាំងនោះមិនជឿថា ឥស្លាមមានយុត្ដិធម៌។ នេះបើយោងតាមខ្លឹមសារនៃខិត្ដប័ណ្ណ។ ក្រុមសមាជិក IS ត្រូវបានអនុញ្ញាតឲ្យរួមរ័កជាមួយស្ដ្រីទាំងនោះដោយសេរី ហើយក៏អនុញ្ញាតឲ្យយកនាងធ្វើជាប្រពន្ធបាន ប្រសិនបើនាងនៅព្រហ្មចារី។ ប្រសិនបើចាប់ស្ដ្រីណាម្នាក់ មិនមែនក្រមុំបរិសុទ្ធវិញ វិធីដែលគេដោះស្រាយជាមួយស្ដ្រីទាំងនោះ បើតាមខិត្ដប័ណ្ណបានសរសេរវិញអានថា ស្បូនរបស់ស្ដ្រីនោះ (ទ្វារមាសរបស់នាង) ត្រូវតែទទួលបានបន្សុទ្ធ (ធ្វើវិសុទ្ធកម្មឲ្យបានស្អាត) Her uterus must be purified before intercourse មុនពេលយកស្ដ្រី នោះមករួមរ័កដោយក្រុម IS។ ខិត្ដប័ណ្ណនិយាយទៀតថា ស្ដ្រីដែលជាទាសករភេទ អាចរងពិន័យដោយវាយដំ ដែលនោះជាអំពើទារុណកម្ម៕
Reuters
បញ្ជីដាក់តម្លៃទាសករផ្លូវភេទទៅតាមយថាប្រភេទរបស់ក្រុមISគឺ១៦៥ដុល្លារសម្រាប់ក្មេងស្រីម្នាក់
0 Comments