តាមការបំភ្លឺពីសមត្ថកិច្ចមូលដ្ឋានបន្ទាប់ពីបានត្រួតពិនិត្យនៅចំណុចកើតហេតុបាននិយាយថា រថយន្តដែលបង្កគ្រោះថ្នាក់ដោយខ្លួនឯងនេះម៉ាកហ៊ីយ៉ាន់ដាយ ធុន៥តោន ពាក់ស្លាកលេខបាត់ដំបង3A-2449ដែលជារថយន្តរបស់ឡឥដ្ឋយីហោ ថៃលី ដោយមានទីតាំងនៅក្នុងភូមិស្វាយជ្រំ ឃុំជ្រៃ ស្រុកថ្មគោលបានបើកបរយ៉ាងលឿនក្នុងទិសដៅពីជើងទៅត្បូង។
ប្រភពដដែលបានបន្តថា នៅក្នុងពេលនោះដែរមេឃក៏កំពុងធ្លាក់ភ្លៀងយ៉ាងខ្លាំង ស្រាប់តែរថយន្តហាក់បីដូចជារអិលបានរេចង្កូតទៅឆ្វេងបានប៉ះទង្គិចជាមួយនឹងរថយន្តមួយគ្រឿងម៉ាកឆ្លាមបន្ទាប់មកអ្នកបើកបរបានទាញចង្កូតមកស្តាំវិញ ប៉ុន្តែដោយសារតែល្បឿនរបស់រថយន្តកំពុងតែលឿនផងនោះរថយន្តក៏បានជ្រុលទៅធ្លាក់ផ្លូវខាងស្តាំវិញ ហើយក៏បានក្រឡាប់ផ្ងារជើងនៅពេលដែលគេខំបួងចង្កូតឡើងមកលើផ្លូវវិញ។
នៅក្នុងឧបទ្ទវហេតុនោះដែរគេសង្កេតឃើញថា កម្មករជាច្រើននាក់ដែលកំពុងជិះនៅលើដំបូលរថយន្តបានធ្លាក់មកក្រោមទាំងអស់ ដោយមាននារីម្នាក់ត្រូវបានជ្រុងជញ្ជាំងរថយន្តសង្កត់ត្រង់បំពង់.កបណ្តាលឲ្យដាច់ក្បាលចេញពីដងខ្លួន ចំណែកកម្មករចំនួន៣នាក់ទៀតក៏រងរបួសធ្ងន់ស្រាលផងដែរ ដែលជនរងគ្រោះទាំងនោះមានឈ្មោះ ស្រី ង៉ា ភេទស្រី អាយុ២៥ឆ្នាំ (ស្លាប់) និងអ្នករបួសចំនួន៣នាក់ទៀត ដែលកម្មករទាំងអស់នេះរស់នៅភូមិស្វាយជ្រុំ ឃុំជ្រៃ ស្រុកថ្មគោល ចំណែកអ្នកបើកបរដែលមានឈ្មោះឈរ ឆាយ ភេទប្រុស អាយុ៣៨ឆ្នាំ បានរត់គេចខ្លួនបាត់ទៅហើយ។
បច្ចុប្បន្នកម្លាំងនៃអធិការដ្ឋានស្រុកថ្មគោលបាននាំយករថយន្តទៅរក្សាទុកហើយ ដើម្បីតាមស្រាវជ្រាវរកអ្នកបើកបរមកដោះស្រាយតាមផ្លូវច្បាប់ ចំណែកសពក៏បានប្រគល់ទៅឲ្យក្រុមគ្រួសារយកទៅធ្វើបុណ្យតាមប្រពៃណីផងដែរ៕
គ្រោះថ្នាក់ចរាចរណ៍ដ៏រន្ធត់ ដែលមានអ្នកស្លាប់ម្នាក់ របួស៣នៅស្រុកថ្មគោល(Update)
0 Comments