តារាសម្តែងស្រីដែលមានប្រជាប្រិយមួយរូប ដែលអ្នកទាំងអស់គ្នាបានស្គាល់ និងជ្រាបថាជាភរិយារបស់លោក Huang Xiao Ming គឺកញ្ញា Angelababy។ យោងតាមគេហទំព័រមួយ បានចុះផ្សាយថា ពាក្យពេចន៍ក្នុងបទចម្រៀងថ្មីមួយ ដែលជាស្នាដៃលើកដំបូងរបស់កញ្ញា Angelababy ត្រូវទទួលរងការរិះគន់ ពីមហាជនមួយចំនួនធំ បន្ទាប់ពីបានដាក់បញ្ចូល ក្នុងខ្សែភាពយន្តភាគមួយ។
គេបានបន្ថែមអោយដឹងទៀតថា បទចម្រៀងមួយនោះមានចំណងជើងថា 《绿罗裙》ដោយពាក្យពេចន៍ក្នុងបទចម្រៀងនោះ គឺជាស្នាដៃលើកដំបូងរបស់កញ្ញា Angelababy ផ្ទាល់ ហើយបទចម្រៀងមួយនេះ ត្រូវបានក្រុមហ៊ុនខ្សែភាពយន្ត ឯកភាពដាក់បញ្ចូលក្នុងខ្សែភាពយន្តភាគមួយ ដែលមានចំណងថា《云中歌។ ទើបតែចាក់បញ្ចាំង បាន២ថ្ងៃតែប៉ុណ្ណោះ ក៏ស្រាប់តែ មានមហាជនមួយចំនួនធំ បានសម្តែងការរិះគន់ ដោយពួកគេនាំគ្នាបានបញ្ចេញមតិថា 《មិនយល់ថាចង់និយាយពីអី ហើយពាក្យពេចន៍ទាំងនេះបើប្រៀបធៀបវិញ ក្មេងរៀនថ្នាក់ទី៣ ក៏សរសេរចេញដែរ》 ។
គួរបញ្ជាក់ផងដែរថា ក្នុងខ្សែភាពយន្ត 《云中歌》នេះ គឺមានវត្តមានរបស់កញ្ញា Angelababy ចូលរួមផងដែរ ដោយកញ្ញាបានសម្តែង ជាតួឯកស្រីដែលមានឈ្មោះថា《 Yun Ge》៕
Angelababy តែងបទចម្រៀងដោយខ្លួនឯង ត្រូវមហាជនថា《មិនយល់ថាចង់និយាយពីអី》
0 Comments