ក្លិបបាល់ទាត់វេស្ទើនភ្នំពេញ សមាជិកក្នុងលីកកំពូលកម្ពុជាមិត្តហ្វូនខេមបូឌានលីក២០១៥ (Metfone Cambodian League 2015) ដែលទើបប្ដូរមកជាក្លិបវេស្ទើន បានជូនដំណឹងដល់អ្នកគាំទ្រថា ក្លិបមួយនេះមានបើកបង្រៀនបាល់ទាត់មួយឈ្មោះថា Wester Footbal Academy ដល់អ្នកចង់ចាប់អាជីពជាកីឡាករនៅថ្ងៃអនាគត។
យោងតាមលិខិតចែកចាយរបស់ក្លិបតាមបណ្ដាញសង្គមហ្វេសប៊ុក សាលាបាល់ទាត់មួយនេះមានទទួលសិស្សចូលហ្វឹកហាត់ចាប់ពីអាយុ ៨ ដល់ ១៧ ឆ្នាំ ដោយបង្ហាត់ពីរៀងរាល់ថ្ងៃសៅរិ៍ និង អាទិត្យ ចាប់ពីម៉ោង ៩ ដល់ ១១ ថ្ងៃត្រង់ ក្នុងតម្លៃ ២០ ម៉ឺនរៀល ឬ ៥០ ដុល្លារក្នុង១នាក់។
ការហ្វឹកហាត់ផ្ដោតទៅលើកម្ដៅសាច់ដុំ និង ការប្រកួត, ផ្នែកហ្វឹកហាត់បច្ចេកទេស មានរបៀបបញ្ជូនបាល់ របៀបបណ្ដើរបាល់ និងការទាត់បញ្ជូលទី ឬ របៀបវាយបកនិងការការពារ ក្នុងពេលប្រកួត។ ក្រៅពីនោះក៏មានបង្ហាត់ពីការប្រកួតលើបច្ចេកទេស និង ការប្រកួតក្នុងទីលានតូច និងការប្រកួតផ្សេងផងដែរ។
សិស្សទាំងអស់នឹងបានសិក្សាដោយផ្ទាល់ពីលោក ប៉ែន ផាត គ្រូបង្វឹករបស់ក្រុមវេស្ទើន លោក ឡុង ឬទ្ធា លោក កែវ ភារុន គ្រូជំនួយ លោក ឡុង រិទ្ធា ជាគ្រូអ្នកចាំទី ព្រមទាំងកីឡាករ គ្រួច កាម៉ុល ប្រធានក្រុម ព្រមទាំងកីឡាករសំខាន់ៗ របស់ឈុតធំក្នុងក្លិបផងដែរ។ លោក ភា សុភត្រា អតីតគ្រូជំនួយក្នុងក្រុម U-16 ជម្រើសជាតិកម្ពុជា និងជាអតីតគ្រូជំនួបប្រចាំក្លិបត្រាយអាស៊ីភ្នំពេញ (ប្ដូរមកជាខេមបូឌានថៃហ្គ័រ) ជាគ្រូបង្វឹកដែលគ្រប់គ្រងសាលាបាល់ទាត់សម្រាប់ក្លិបនេះផងដែរ។
សម្រាប់អ្នកមានចំណាប់អារម្មណ៍ចង់សិក្សាពីបច្ចេកទេសបាល់ទាត់បានត្រឹមត្រូវអាចទាក់ទងទៅក្លិបវេស្ទើន បានដែលមានទីតាំងនៅតាមផ្លូវ ១៩៦៦ សង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ ឬ តាមលេខទូរសព្ទ ០២៣ ៦៦៦ ២០១៥/០៨១ ៦៣៩ ៩៩៦/០១២ ២៨២ ០១៕
ក្លិបវេស្ទើនភ្នំពេញ បើកសាលាបង្ហាត់បាល់ទាត់មួយខែតម្លៃ ៥០ ដុល្លារ
0 Comments