ភ្នំពេញ ៖ កម្លាំងនគរបាលប៉ុស្ដិ៍ស្វាយប៉ាក និងកម្លាំងនគរបាល នៃអធិការដ្ឋាននគរបាលក្រោមបញ្ជាផ្ទាល់របស់លោកទៀងចាន់សារ អធិការ ខណ្ឌឫស្សីកែវ និងមានការឯកភាព ពីតំណាងអយ្យកានៅល្ងាចថ្ងៃទី៨ ខែកញ្ញា ឆ្នាំ២០១៥នេះ បានចុះបង្ក្រាប និងចាប់ខ្លួនមុខសញ្ញាចែកចាយគ្រឿងញៀន ដ៏សកម្មម្នាក់ ហើយដកហូតថ្នាំញៀនយ៉ាម៉ា១កញ្ចប់ធំ កញ្ចប់កណ្ដាល១៨កញ្ចប់ និងកញ្ចប់តូច១១កញ្ចប់ រួមនឹងវត្ថុតាងមួយចំនួន។
ជនសង្ស័យមានឈ្មោះង្វៀងធីជីន ភេទស្រី អាយុ៥៧ឆ្នាំ រស់នៅភូមិលូ ក្រុម៩ ផ្ទះលេខ៦៣៩ផ្លូវលំសង្កាត់ស្វាយប៉ាក ខណ្ឌឫស្សីកែវ មុខរបរលក់ចាប់ហួយ ដែលជាមុខសញ្ញា ម្នាក់ដ៏សកម្ម ក្នុងមូលដ្ឋាន ខាងចែកចាយគ្រឿងញៀន។ ក្រោយការចាប់ខ្លួន ជនសង្ស័យត្រូវបានបញ្ជូន ទៅកាន់អធិការដ្ឋាននគរបាលខេត្ត ខណ្ឌឫស្សីកែវដើម្បីកសាងសំណុំរឿងបញ្ជូនទៅកាន់តុលាការចាត់ការតាមនីតិវិធី៕
នគរបាលខណ្ឌឫស្សីកែវឃាត់ខ្លួនស្ត្រីម្នាក់ជាមួយថ្នាំញៀន៣០កញ្ចប់
0 Comments