ភ្នំពេញ ៖ កាលពីព្រឹកថ្ងៃទី៧ ខែកញ្ញា ឆ្នាំ២០១៥នេះ ប្រជាពលរដ្ផប្រុស ស្រីច្រើននាក់ មកពីភូមិក្បាលតំរី ឃុំតេជោអភិវឌ្ឍន៍ ស្រុកឈូក ខេត្តកំពត បានលើកគ្នាមកកាន់ក្រុងភ្នំពេញ ដើម្បីតវ៉ានៅទីលានប្រជាធិបតេយ្យ េអំពីបញ្ហាទំនាស់ដីធ្លីដ៏រូរ៉ៃដោះស្រាយមិនចេញ។
ការឡើងមកតវ៉ាដែលនាំកំដៅមកដល់ក្រុងភ្នំពេញទាំងព្រឹកព្រលឹមនោះ គឺក្រោយពីអាជ្ញាខេត្តដោះស្រាយមិនចេញ ដោះស្រាយគ្មានតម្លាភាព ប្រជាពលរដ្ឋមិនអាចទទួលយកបាននូវការដោះស្រាយមួយ ដែលមានចេតនាគៃបំបាត់ដីធ្លីដែលប្រជាជាពលរដ្ឋកំពង់កាន់កាប់ជាក់ស្ដែង ។
ប្រភពកម្ដៅ ដែលកើតឡើងពីការតវ៉ា របស់ពលរដ្ឋ រងការរំលោភដីធ្លីត្រូវបានអង្គការសង្គមស៊ីវិលព្យាករណ៍ថា អាចនឹងបន្តឡើងថែមទៀត ប្រសិនណាបើអាជ្ញាធរខេត្តនេះ មិនប្រញាប់ដោះស្រាយឲ្យបានឆាប់ និងមានតម្លាភាព។ ប្រជាពលរដ្ឋមួយរូបក្នុងចំណោមពលរដ្ឋជាច្រើន ដែលចូលរួមក្នុងការតវ៉ានោះបានថ្លែងថា មានប្រជាពលរដ្ឋជាច្រើនគ្រួសារកំពុងតែប្រឈមនូវការកាន់កាប់ដីធ្លី និងលំនៅដ្ឋាន។ តើអ្វីជា ដើមចម ដែលធ្វើឲ្យប្រជាពលរដ្ឋជាច្រើន ព្រួយបារម្ភពីការបាត់បង់ដីធ្លី និងផ្ទះសំបែងបែប នេះ?
ប្រជាពលរដ្ឋជាច្រើនគ្រួសារ រស់នៅភូមិ ក្បាលដំរី ឃុំតេជោអភិវឌ្ឍន៍ ស្រុកឈូក ខេត្តកំពត បាននាំគ្នាតវ៉ា ទាមទារឲ្យអាជ្ញាធរខេត្តនេះ ធ្វើការដោះស្រាយបញ្ហាទំនាស់ដីធ្លី ជូនពួកគាត់ឲ្យបានឆាប់ និងមានតម្លាភាពអាចទទួលយកបាន។ ប្រជាពលរដ្ឋជាច្រើនបាន ស្រែកខ្លាំងៗថា លោកនាយករដ្ឋមន្ត្រី ធ្លាប់បានបញ្ជាឲ្យ ប្រគល់ដីនៅតំបន់នេះ មកឲ្យប្រជា ពលរដ្ឋ និងក្រុមគ្រួសារសោធននិវត្តធ្វើការកាន់កាប់ស្របច្បាប់។ ជាការតវ៉ារបស់ប្រជាពល រដ្ឋនៅតំបន់ជនបទ ក្បែរជើងភ្នំនាទឹកដីខេត្តកំពត មានចូលរួមឃ្លាំមើល ដោយយកចិត្តទុកដាក់ ពីសំណាក់មន្ត្រីផ្នែកសិទ្ធិមនុស្សនៃអង្គការលីកាដូ ក៏ដូចជាអ្នកការសែតមួយចំនួន បានចូល រួមតាមដានដែរនោះបានផ្ទុះឡើង នៅថ្ងៃទី៣ ខែកញ្ញា ឆ្នាំ២០១៥ ខណៈពេលដែលអាជ្ញាធរ ខេត្ត និងមន្ត្រីជំនាញ កំពុងចុះវាស់វែងដី ដោយមិនមានការយល់ព្រមពីម្ចាស់ដី។ នៅក្នុងការ តវ៉ានេះទៀតសោត ក៏មានការចូលរួមពីសំណាក់ បណ្ដាញក្រុមនិស្សិតតាមបណ្ដាសាកល វិទ្យាល័យ មកពីរាជធានីភ្នំពេញ និងតាមបណ្ដាខេត្ត ចំនួន៥០០នាក់ផងដែរ។
អ្នកស្រីមាន សុខជា ប្រជាពលរូបក្នុងចំណោប្រជាពលរដ្ឋ ជាច្រើនទៀត ដែលរស់នៅ ភូមិខាងលើបានលើកឡើងថា ក្រុមគ្រួសារសោធននិវត្ត ទាំងអស់មានជាង២០០គ្រួសារ។ តែរហូតមកទល់ពេលនេះ ពួកគាត់ទាំងអស់គ្នា នៅមិនទាន់ទទួលបានសិទ្ធិ កាន់កាប់ដីស្រប់ ច្បាប់ទេ ជាពិសេស គឺមិនអាចដាំដំនាំ នៅលើដីនោះទៀតផង។ ស្រី្តមានវ័យជាង៣០ឆ្នាំ រូបនេះបានបញ្ជាក់ថា នៅមានប្រជាពលរដ្ឋជាច្រើនគ្រួសារទៀត កំពុងតែប្រឈមការបាត់បង់ ដីធ្លី ដោយសារតែអាជ្ញាខេត្ត តែងលើកគ្នាមកវាស់ដីស្ងាត់ៗ ដោយមិនបានជូនដំណឹងជាមុន៖ សំឡេង៖ លោកស្រី មាន សុជា មិនខុសគ្នាប៉ុន្មានដែរ ស្ត្រីដែលសុំមិនបញ្ចេញឈ្មោះ មានវ័យជាង៣៥ឆ្នាំ បានថ្លែងរៀបរាប់បណ្ដើរ លើកដៃសំពះបណ្ដើរ ដោយបានសរសើរមិន ដាច់ពីម៉ាត់ថា អគុណសម្ដេចណាស់ ដែលបានសាងសង់លំនៅដ្ឋានជូនពួកគាត់។ ប៉ុន្តែអ្នកស្រីស្នើសុំសម្ដេច ធ្វើប្លង់ស្របច្បាប់ ឲ្យពួកគាត់ផង។ មានគ្នាមួយក្រុមធំ ឈរតវ៉ានៅ កណ្ដាលថ្ងៃត្រង់ ស្ត្រីជាភរិយា របស់អតីតយោធារូបនេះ បានបន្តដោយហួសចិត្តថា បើសម្ដេច បញ្ជាឲ្យវាស់ឲ្យហើយ ហេតុអ្វីអាជ្ញាធរខេត្ត មិនព្រមវាស់ឲ្យទៅ ទុកដល់ណាទៀត ម្ដងសន្យា ថា ថ្ងៃនេះ ម្ដងសន្យាថា ថ្ងៃនោះពាក់ព័ន្ធបញ្ហា ទំនាស់ដីធ្លី ដ៏ក្ដៅគគុកនេះ លោក ហេង វន្ថា អភិបាលរងខេត្តកំពតបានឲ្យដឹងថា តាមការពិតដីនៅតំបន់នេះ ដំបូងឡើយរាជរដ្ឋាភិបាល បានសម្រេចប្រគល់ឲ្យ តែក្រុមគ្រួសារសោធននិវត្តន៍តែប៉ុណ្ណោះ តែក្រោយមក ទើបសម្រេចជូនប្រជាពលរដ្ឋ ដែលរស់នៅកាន់កាប់ជាក់ស្ដែង។
លោកអភិបាលរងខេត្ត បានសង្កត់ធ្ងន់ថា ក្នុងនាមជាអាជ្ញាធរ សូមស្នើឲ្យមានការ ចូលរួមពីប្រជាពលរដ្ឋ ដើម្បីធ្វើការវាស់វែងជូនពលរដ្ឋ ដើម្បីក្លាយជាម្ចាស់កម្មសិទ្ធិស្រប ច្បាប់។ លោក ហេង វន្ថា សង្កត់ធ្ងន់ថា បញ្ហាដែលរាំងស្ទះ ក្នុងការប្លង់កម្មសិទ្ធិជូនពលរដ្ឋ ដោយ សារតែមានជនខិលខូចមួយចំនួន លួចចូលមកទិញដី ដោយមិនស្របច្បាប់ពីប្រជា ពលរដ្ឋ។ លោក ហេង វន្ថាបានគូសបញ្ជាក់ថា ការធ្វើប្លង់កម្មសិទ្ធិ ជូនប្រជាពលរដ្ឋ អាចធ្វើទៅបានត្រូវមានការចូលសហការពីអ្នកកាន់កាប់ស្របច្បាប់។ លោកបានបន្តទៀតថា ប្រសិន បើប្រជាពលរដ្ឋ នៅតែរឹងទទឹងចោទអាជ្ញាធរ ហើយមិនព្រមសហការ នោះពលរដ្ឋទាំងអស់ បានត្រឹមតែជាអ្នកកាន់កាប់លើដី និងសំណង់មិនស្របច្បាប់តែប៉ុណ្ណេះ។ យ៉ាងណាក៏ដោយ ប្រជាពលរដ្ឋដែលរស់នៅតំបន់នោះ បានសម្ដែងការអស់សង្ឃឹមយ៉ាងខ្លាំង ចំពោះចំណាត់ការ អាជ្ញាធរខេត្តកំពត។ ក្រុមប្រជាពលរដ្ឋទាំងនោះ បានឲ្យដឹងទៀតថា ប្រសិនបើនៅតែបន្ត គ្មានដំណោះស្រាយសមរម្យ ចំពោះប្រជាពលរដ្ឋ ពួកគាត់នឹងលើកគ្នាមកភ្នំពេញ ដើម្បីតវ៉ានៅ ទីលានប្រជាធិបតេយ្យ ស្នើឲ្យលោកនាយករដ្ឋមន្ត្រី ហ៊ុន សែន ជួយអន្តរាគមន៍ ជូនពួកគាត់ ព្រោះពួកគាត់អះអាងថា មានតែលោកនាយករដ្ឋមន្ត្រីម្នាក់គត់ ដែលអាចជួយរកយុត្តិធម៌ ឲ្យពួកគាត់បាន។
អុនក្រិត្យទាំងអស់មាន3 1)- លេខ219 ចុះថ្ងៃទី30-09-2011, 2 លេខ259 ចុះថ្ងៃទី24-12-2012 3លេខ 85 ចុះថ្ងៃទី26-02-2014 អនុក្រិត្យទី2 គឺខេត្តអ្នករៀបចំសុំទៅសម្តេចនាយករដ្ឋមន្ត្រីថា មាន816គ្រួសារដែលកំពុងតែ កាន់កាប់ និងប្រើប្រាស់ ដូច្នេះសម្តេចក៏យល់ព្រម និងចាត់ក្រុមនិស្សិតអោយវាស់វែងដីជាក់ ស្តែងឲ្យមកប្រជាពលរដ្ឋ។
ខ1) សុំសួរទៅខេត្តថា តើប្រជាពលរដ្ឋ 816គ្រួសារដែលមានក្នុងអនុក្រិត្យលេខ 259នោះ បាន វាស់វែង និងបានប្លង់រឹង ហើយប៉ុន្មានគ្រួសារហើយ( សូមប្រមូល ប័ណ្ណប្លង់រឹងមករាប់ឲ្យ បានដឹងច្បាស់)
ខ2)ហេតុអ្វីបានជាលិខិតបង្កាប់ការចុះថ្ងៃទី31-សីហា-2015 របស់សាលាខេត្តកំពតយក អនុក្រិត្យលេខ219 ចុះថ្ងៃទី30-09- 2011 មកអនុវត្ត(ដែលបាននិរាករណ៍ហើយ ដោយមាន អនុក្រិត្យលេខ259ចេញមក1ទៀតក្រោយ) ដែលជាក់ស្តែងមានអនុក្រិត្យ លេខ259 ចុះថ្ងៃទី24-12-2012 ដែលត្រូវបានប្រទានកម្ម ជាកម្មសិទ្ធិពលរដ្ឋចំនួន 816គ្រួសារ(តែអជ្ញាធរខូចមិនដែល មកវាស់អោយពលរដ្ឋទេ)” ហើយអត្ថន័យក្នុងលិខិតបង្គាប់ការណ៍នោះ ទៀតសោតអាជ្ញាធរ ខូចលួចបន្លំត្រង់ចំនុច + ក្រុមការងារនេះមានភារកិច្ចដូចខាងក្រោម អក្សរសរសេរថា ចុះវាស់ វែងដីកសិកម្មជូនអតីតកងកម្លាំងប្រដាប់អាវុធនិងគ្រួសារ និងបែងចែកជូនប្រជាពលរដ្ឋពាក់ព័ន្ធរស់នៅលើទីតាំងដីកាន់កាប់ ដាំដុះជាក់ស្តែង (ដែលតាមពិតគឺអនុក្រិត្យលេខ 259 ដែល ចេញថ្ងៃទី 24-12- -2012 បាននិរាករណ៍ អនុក្រិត្យ លេខ219 ដែលបានចេញកាលពីថ្ងៃ30-09 -2011 ហើយៗ រីឯម្យ៉ាងវិញទៀតពេលបងៗដែល ជាសារព័ត៌មានសួរអជ្ញាធរៗបានប្រើពាក្យ បន្លប់ថា វាស់ដីចែកប្រជាពលរដ្ឋ ដោយវា គិតថា បងៗមិនបានដឹងរឿងមូលទាំងស្រុង ខ្ញុំចង់ បញ្ជាក់ក្នុងចំនុចអនុក្រិត្យ259ថាគឺ ប្រទានកម្មជាកម្មសិទ្ធិអោយប្រជាពលរដ្ឋ 816គ្រួសារម៉េច បានជាប្រើពាក្យបន្លំថា (បែងចែកជូនប្រជាពលរដ្ឋពាក់ពន្ធ័) មានន័យថា អាជ្ញាធរអ្នកបែងចែក អោយប៉ុន្មាន យកប៉ុនហ្នឹង ចុះត្រង់អនុក្រិត្យលេខ259 ថាវាស់អោយពលរដ្ឋ816គ្រួសារម៉េចមិន វាស់ តែឥលូវបន្លំយកអនុ ក្រិត្យចាស់ ដែលនិរាករណ៍ហើយមកបន្លំប្រើ ហើយថាពលរដ្ឋ អានាធិបតេយ្យមករស់នៅខុសច្បាប់។ សួរថា តើអនុក្រឹត្យលេខ259 ដែលត្រូវវាស់ អោយ 816គ្រួសារនោះមានប៉ុន្មានគ្រួសារហើយបានប័ណ្ណ ប្រមូលប័ណ្ណមករាប់មើល តើពលរដ្ឋខូច ឬអាជ្ញាធរខូច៕
ទំនាស់ដីធ្លីនៅឃុំតេជោអភិវឌ្ឍន៍ក្ដៅមកដល់ភ្នំពេញហើយ
0 Comments