បន្ទាយមានជ័យ ៖ ពលករប្រុសស្រី១០នាក់បម្រុងឆ្លងដែនខុសច្បាប់ទៅរកការងារធ្វើនៅប្រទេសថៃត្រូវបានសមត្ថកិច្ចនគរបាលការិយាល័យប្រឆាំងការជួញដូរមនុស្សនៃស្នងការខេត្តបន្ទាយមានជ័យបានធ្វើការឃាត់អប់រំកាលពីរសៀលថ្ងៃទី១១ ខែកញ្ញា ឆ្នាំ២០១៥ នៅចំណុចភូមិចំបក់ឃុំបឹងបេងស្រុកម៉ាទៃខេត្តបន្ទាយមានជ័យ។
តាមការឲ្យដឹងពីនគរបាលស្រុកម៉ាឡៃបានឲ្យដឹងថា ពលករដែលត្រូវបានទប់ស្កាត់មិនឲ្យឆ្លងដែនដោយខុសច្បាប់មានចំនួន១០នាក់ក្នុងនោះមានស្រីបួននាក់បម្រុងឆ្លងដែនទៅថៃតាមច្រករបៀងខុសច្បាប់ស្ថិតក្នុងឃុំបឹងបេង។
ក្រោយការទប់ស្កាត់បាននាំយកមកអធិការស្រុកម៉ាឡៃធ្វើការអប់រំណែនាំពន្យល់ពីការធ្វើចំណាក់ស្រុកខុសច្បាប់វានាំឲ្យមានគ្រោះថ្នាក់ដល់ជីវិតនិងចាញ់បោកឬក៏ត្រូវបានគេធ្វើបាបពីសំណាក់មេខ្យល់និងថៅកែថៃហើយដោយអោយពួកគាត់ធ្វើកិច្ចសន្យាត្រឡប់ទៅស្រុកវិញ បើចង់ចំណាក់ស្រុកទៅរកការងារនៅប្រទេសថៃត្រូវទៅដោយស្របច្បាប់មានក្រុមហ៊ុននាំចេញតាមផ្លូវច្បាប់៕
កម្លាំងការិយាល័យប្រឆាំងការជួញដូរមនុស្សទប់ស្កាត់អប់រំពលករមិនឲ្យឆ្លងដែនខុសច្បាប់
0 Comments