តើអ្នកចង់ស្គាល់គេហដ្ឋានថ្មីរបស់កីឡាករបាល់ទាត់ Cristiano Ronaldoទេ???

កីឡាករក្រុម Real Madrid គឺលោក Cristiano Ronaldo បានទិញគេហដ្ឋានថ្មីរបស់ខ្លួននៅក្នុង Trump Tower តាមបណ្តោយវិថី Fifth Avenue។ គួរបញ្ជាក់ថា គេហដ្ឋានខាងលើនេះ គឺជាអតីតកម្មសិទ្ធិរបស់លោក Donald Trump ដៃគូអាជីវកម្មរបស់ Alessandro Proto។ ការទិញអចលនទ្រព្យរបស់ Ronaldo នៅឯញូវយ៉កបានធ្វើឡើងបន្ទាប់ពីគាត់ទទួលបានកម្រៃជាង៧៩លានដុល្លារកាលពីឆ្នាំ២០១៤។ ផ្ទះនេះត្រូវបានគេរាយការណ៍បញ្ជាក់ថា រចនាបទនៃគេហដ្ឋានដ៏ប្រណីតមួយនេះ ត្រូវបានបំផុសគំនិត និងច្នៃប្រឌិតចេញពីការរៀបចំតាមបែបប្រលោមលោក ’50 Shades of Grey ដែលជាកម្មសិទ្ធិរបស់ Alessandro Proto មហាសេដ្ឋីអចលនទ្រព្យអ៊ីតាលីនិងលោក Donald Trump ដែលជាដៃគូជំនួញហើយជាម្ចាស់និងប្រធាននៃគណបក្សសាធារណរដ្ឋ។

មិនតែប៉ុននោះចំពោះទស្សនីយភាពជុំវិញនៃគេហដ្ឋានដ៏ប្រណិតខាងលើនេះ ក៏បានបង្ហាញទេសភាពដ៏ស្រស់ត្រកាលនៃសួនឧទ្យានទៅទិសខាងជើង និងការសាយភាយនូវខ្យល់អាកាសល្អបរិសុទ្ធចេញពីភាគខាងលិចនៃដងទន្លេហូនសាន់ រីឯនៅភាគខាងត្បូងវិញបានបង្ហាញឲ្យឃើញនូវទស្សនីយភាពដ៏អស្ចារ្យនៃអគារល្បីៗបំផុតនៅ Manhattan រួមទាំងមានអគារ Empire State Building អគារ Chrysler និង Freedom Tower ជាដើម”។

អ្នកដែលរស់នៅក្នុង Trump Tower អាចចូលទៅកាន់មណ្ឌលកាយសម្ព័ន្ធដ៏ធំនៅក្នុងអគារនោះ សេវាកម្មឧបករណ៍នៅក្នុងផ្ទះ ភោជនីយដ្ឋាន កន្លែងកម្សាន្ត និងហាងទំនិញ។

គួររំលឹកផងដែរថា ក្នុងរយៈពេលបីឆ្នាំបន្ទាប់ពីកីឡាករ Ronaldo ទទួលបានប្រាក់កម្រៃ៨០លានផោនពីក្លិប Manchester United ទៅកាន់ Real Madrid ក្នុងឆ្នាំ២០០៩ ហើយបន្ទាប់មកគាត់ក៏បានដាក់លក់ផ្ទះរបស់គាត់នៅឯប្រទេសអង់គ្លេសក្នុងតម្លៃ១,៤លានដុល្លារ។ ទោះបីជាយ៉ាងណាក៏ដោយក៏ការទិញគេហដ្ឋានដ៏ប្រណីតខាងលើនេះ អាចនឹងធ្វើឲ្យញូយ៉កយកចិត្តទុកដាក់ទៅលើក្រុម New York Red Bulls និង New York City របស់ Ronaldo បន្ថែមទៀត។

គួរបញ្ជាក់ថា ចំពោះអតីតក្រុមកីឡាកររបស់ Arsenal គឺកីឡាករ Thierry Henry បានចូលលេងឲ្យក្រុម Red Bulls ខណៈពេលដែលក្រុម New York City មានកីឡាករស៊ុតបាល់បញ្ចូលទីកំពូលរបស់អេស្ប៉ាញគឺ David Villa និង Chelsea legend Frank Lampard នៅក្នុងបញ្ជីរបស់ពួកគេ៕

8-09-2015a10