ឧត្តរមានជ័យ ៖ កាលពីវេលាម៉ោង៩និង១០នាទីយប់ ថ្ងៃទី១៣ ខែតុលា ឆ្នាំ២០១៥ សមត្ថកិច្ចប៉ូលិសបានឲ្យដឹងថា ស្ត្រីម្នាក់បានផិតប្ដីរបស់ខ្លួននាំសហាយថ្មីទៅដេកផ្ទះសំណាក់ លី ហុង ស្រាប់តែខណៈនោះដែរត្រូវបានប្តីតាមទាន់ ក៏ប្ដឹងឲ្យសមត្ថកិច្ចប៉ូលិសចាប់ឃាត់ខ្លួនទាំងយប់តែម្តងគឺនៅផ្ទះសំណាក់ក្នុងភូមិឈូក ក្រុងសំរោង ខេត្តឧត្តរមានជ័យ។
ហើយជនសង្ស័យដែលលួចដេកជាមួយប្រពន្ធគេនោះមានឈ្មោះ អាត ដឿន ភេទប្រុស អាយុ៣៣ឆ្នាំ រស់នៅភូមិត្រពាំងអំពិល ឃុំគោកមន ស្រុកបន្ទាយអំពិល ខេត្តឧត្តរមានជ័យ។ ចំណែកឯស្ត្រីដែលផិតប្តីនោះមានឈ្មោះ ឈិន ដាវិន ភេទស្រី អាយុ២៧ឆ្នាំ មានកូន៣នាក់ រស់នៅភូមិអូរពក សង្កាត់កូនក្រៀល ក្រុងសំរោង ខេត្តឧត្តរមានជ័យ។
សមត្ថកិច្ចបានបន្តទៀតថា ពួកគេត្រូវបានសមត្ថកិច្ចប៉ូលិសចាប់ឃាត់ខ្លួនពីអំពើផិតប្ដីបំពាន មាត្រា៧ច្បាប់ឯកពន្ធនភាព ទោសបញ្ញត្តិពី១ខែ ដល់១ឆ្នាំ ពិន័យជាប្រាក់ពី២០ម៉ឺនដល់១លានរៀល៕
ស្ត្រីផិតប្ដីម្នាក់នាំសហាយទៅដេកផ្ទះសំណាក់ ត្រូវប្តីតាមទាន់ប្ដឹងឲ្យសមត្ថកិច្ចចាប់ឃាត់ខ្លួន
0 Comments