ឧត្តរមានជ័យ ៖ កាលពីវេលាម៉ោង១៥និង១០នាទី ថ្ងៃទី៧ ខែតុលា ឆ្នាំ២០១៥ កម្លាំងការិយាល័យប្រឆាំងគ្រឿងញៀនស្នងការនគរបាលខេត្តឧត្តរមានជ័ បានចុះបង្ក្រាបករណីចែកចាយគ្រឿងញៀន ១ករណីនៅចំណុចផ្ទះជនសង្ស័យ ស្ថិតនៅក្នុងភូមិគោកឈូក សង្កាត់កូនក្រៀល ក្រុងសំរោង ខេត្តឧត្តរមានជ័យ។
សមត្ថកិច្ចប៉ូលិសការិយាល័យប្រឆាំងគ្រឿងញៀនស្នងការខេត្ត បានឲ្យដឹងថា ដោយមានការ ចង្អុលបង្ហាញពីលោកឧត្តម សេនីយ៍ត្រីម៉ែន លីស្នងការនគរបាលខេត្ត ទើបឈានទៅចាប់ឃាត់ខ្លួនបានជនសង្ស័យម្នាក់ ឈ្មោះញ៉ែត យឹម ភេទស្រីអាយុ៣៧ឆ្នាំ រស់នៅភូមិ ឃុំខាងលើ នឹងដកហូតសម្ភារៈវត្ថុតាងរួមមានថ្នាំញៀនប្រភេទមេតំហ្វេតាមីន(wy)ពណ៌ក្រហមចំនួន៥៤គ្រាប់.ប្រាក់រៀល១ ១០០០០រៀល.ខ្សែកលោហធាតុពណ៌លឿងចំនួន១ខ្សែ។
នៅពេលបច្ចុប្បន្ន កម្លាំងជំនាញនៃការិយាល័យប្រឆាំងគ្រឿងញៀន ស្នងការនគរបាលខេត្ត កំពុងកសាងសំណុំរឿងបញ្ជូនទៅសាលាដំបូងខេត្តឧត្តរមានជ័យ ដើម្បីចាត់ការទៅតាមនីតិវិធីច្បាប់៕
ជនសង្ស័យម្នាក់ជួញដូរនិងចែកចាយគ្រឿងញៀន ត្រូវបានសមត្ថកិច្ចចាប់ឃាត់ខ្លួន
0 Comments