Oh My Girl បានបង្ហាញវីដេអូខ្លី របស់ MINI អាល់បុម ទី២ របស់ខ្លួន

ក្រុម Oh My Girl គឺជា​ក្រុម​តារាចម្រៀង​ស្រី​កូរ៉េខាងត្បូង​មួយក្រុម ដែល​ផលិតកម្ម WM Entertainment ទើប​បង្កើតឡើង​នៅក្នុង​ដើមឆ្នាំ២០១៥នេះ និង​មាន​សមាជិក៨នាក់ រួមមាន កញ្ញា Choi Hyo Jung, Shin Hye Jin, Kim Mi Hyun, Yoo Yeon Joo, Hyun Seung Hee, Kim Ji Ho, Bae Yu Bin និង​កញ្ញា Choi Ye Won។

ថ្មីៗនេះ តាម​គេហទំព័រ​ស្រុក​គេ​បានអោយដឹងថា ក្រុម Oh My Girl បានបង្ហាញ​វីដេអូ​ខ្លី នៃ​MINI អាល់​បុ​ម​លើក​ទី២ ដែលមាន​ចំណងជើង​ថា 《Closer》 បន្ទាប់ពី​ពួកនាង​ទាំង៨នាក់ បានចេញ MINI អាល់​បុ​ម​លើកដំបូង 《Oh My Girl》  កាលពី​ថ្ងៃទី២០ខែមេសា​កន្លងទៅនេះ។

វីដេអូ​ខ្លី​នោះ​ត្រូវបាន​គេ​សង្កេតឃើញថា ដូចជា​នៅក្នុង​រឿងនិទាន​មួយ ដោយមាន​សមាជិក​ក្នុង​ក្រុម​ម្នាក់ បាន​ដេកលក់​ក្នុង​រថយន្ត​ដ៏​ចាស់​មួយ ហុ​ម​ព័ទ្ធ​ដោយ​រុក្ខជាតិ​ពណ៍​បៃតង នៅក្នុង​សំណង់​មួយ ដែល​គេ​បាន​បោះបង់ចោល។

MINI អាល់​បុ​ម​លើក​ទី​២《Closer》នេះ នឹង​ចេញផ្សាយ​នៅ​ថ្ងៃទី៨ខែតុលា ហើយ​ក្នុង​អាល់​បុ​ម​នេះ ត្រូវបាន​គេ​ដឹងថា មាន​បទ​ចម្រៀង​ចំនួន៦បទ៕

នេះ​ជា​MV នៃ​បទ​ចម្រៀង​《Cupid》នៅក្នុង MINIអាល់​បុ​ម​លើកដំបូង 《Oh My Girl》

 

Oh My Girl បានបង្ហាញវីដេអូខ្លី របស់ MINI អាល់បុម ទី២ របស់ខ្លួន