ស្វាយរៀង ៖ គិតមកដល់ខែតុលា ឆ្នាំ២០១៥នេះ ប្រជាពលរដ្ឋទូទាំងខេត្តស្វាយរៀង មានការងារធ្វើបន្ថែមក្រៅពីមុខរបរកសិកម្ម ប្រមាណជិត៥០០០០នាក់។ នេះបើតាមតួលេខរបស់មន្ទីរការងារ និងបណ្ដុះបណ្ដាលវិជ្ជាជីវៈខេត្តស្វាយរៀង។
គួររំលឹកថា ប្រជាពលរដ្ឋ ដែលរស់នៅក្នុងខេត្តស្វាយរៀងកាលពីសង្គមចាស់ពួកគាត់ប្រកបរបរធ្វើស្រែ និងឡើងត្នោតធ្វើស្ករត្នោត ព្រមទាំងដាំដំណាំផ្សេងៗបន្តិចបន្តួចគ្រាន់បានដោះស្រាយជីវភាពគ្រួសារ។ បើចង់ទៅរកការងារធ្វើទាល់តែទៅភ្នំពេញ ឬទៅប្រទេសជិតខាងទើបមានការងារធ្វើ ហើយធ្វើស្រែឆ្នាំខ្លះបានផលហូបគ្រប់គ្រាន់ ឆ្នាំខ្លះមិនបានផលហូបគ្រប់គ្រាន់នោះទេ។ ក្រោយថ្ងៃរំដោះ៧មករា១៩៧៩រហូតដល់សព្វថ្ងៃនេះក្រោមការដឹកនាំប្រកបដោយគតិបណ្ឌិតរបស់សម្ដេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជាបានធ្វើការអភិវឌ្ឍជាជំហានៗធ្វើឲ្យប្រទេសកម្ពុជាយើងមានភាពរីកចម្រើនលើគ្របវិស័យ តាមយុទ្ធសាស្ត្រចតុកោណរបស់រាជរដ្ឋាភិបាល ដែលបានចំហជើងមេឃដើម្បីទាក់ទាញអ្នកវិនិយោគទាំងក្នុងស្រុកក្រៅស្រុកមកដាក់ទុនរកស៊ីបានច្រើន និងផ្ដល់ការងារជូនកូនចៅប្រជាពលរដ្ឋមានការងារធ្វើនៅទូទាំងប្រទេសរាប់លាន់នាក់និយាយជារួម ដោយឡែកនៅខេត្តស្វាយរៀងក៏ចាញ់ខេត្តដទៃដែរ កូនចៅប្រជាពលរដ្ឋមានការងារធ្វើអាចជួយសម្រួលជីវភាពគ្រួសារមានធូរធារស្ទើរតែគ្រប់ក្រុមគ្រួសារ។
លោកហាក់ ប៊ុនធី ប្រធានមន្ទីរការងារ និងបណ្ដុះបណ្ដាលវិជ្ជាជីវៈបានឲ្យដឹងថា ទូទាំងខេត្តស្វាយរៀងមានផ្នែកវាយនភណ្ឌកាត់ដេរសំលៀកបំពាក់ និងដេរស្បែកជើងចំនួន៣០កន្លែង ផ្នែកផលិតកម្មផ្សេងៗចំនួន២៩កន្លែង ផ្នែកកាស៊ីណូ និងសណ្ឋាគារ២៣កន្លែង ផ្នែកសន្តិសុខឯកជន៥ក្រុមហ៊ុន ផ្នែកធនាគារនិងមីក្រូហិរញ្ញវត្ថុ២២កន្លែង ផ្នែកសេវាកម្មផ្សេងៗ១២កន្លែងសរុបទាំងអស់១២១កន្លែងអាចផ្ដល់ការងារជូនកម្មករនិយោជិតបានចំនួន៤៦១៧៨នាក់ស្រី៣២.២២០នាក់ក្នុងនោះមិនរាប់កម្មករនិយោជិត ដែលជាជនបរទេស ដែលមកធ្វើការនៅក្នុងរោងចក្រសហគ្រាស និងសេវាកម្មផ្សេងៗក្នុងខេត្តស្វាយរៀងផង។ នេះគិតត្រឹមខែតុលា ឆ្នាំ២០១៥នេះ។ លោកប្រធានបានអះអាងថាកម្មករនិយោជិតកើនឡើងជារៀងរាល់ឆ្នាំ២០%ទៅមុខបន្ថែមទៀត៕
ប្រជាពលរដ្ឋខេត្តស្វាយរៀងមានការងារធ្វើ ក្រៅមុខរបរកសិកម្មជិត៥ម៉ឺននាក់
0 Comments